LIC Bima Jyothi: నెలకు రూ. 10వేలతో రూ. 18లక్షలు చేతికి.. పాలసీ ఒకటే.. ప్రయోజనాలు రెండు..
కేవలం బీమా పథకాలను అందించడమే కాకుండా అనేక పెట్టుబడి ప్రణాళికలను కూడా అందిస్తుంది. ఈ రోజు మనం అటువంటి పెట్టుబడి ప్రణాళిక గురించి తెలుసుకుందాం. దీనిలో మీరు పెట్టుబడి పెట్టడం ద్వారా డబ్బును ఆదా చేసుకోవచ్చు అలాగే మీరు బీమా రక్షణ పొందవచ్చు. ఆ పథకం పేరు ఎల్ఐసీ బీమా జ్యోతి ప్లాన్. దీనికి సంబంధించిన పూర్తి వివరాలు ఇప్పుడు చూద్దాం..
లైఫ్ ఇన్సూరెన్స్ కార్పొరేషన్ ఆఫ్ ఇండియా(ఎల్ఐసీ) అంటే మన దేశంలో చాలా నమ్మకం. దేశంలోనే అతిపెద్ద ప్రభుత్వ బీమా కంపెనీ. అత్యంత ప్రజాదరణ పొందిన సంస్థ. దీనిలో ప్లాన్లు తీసుకోడానికి అత్యధిక శాతం మంది ప్రజలు ఆసక్తి చూపుతారు. అందుకు తగినట్టుగానే ఎల్ఐసీ అన్ని వర్గాల వారికి అవసరమైన ప్లాన్లను తీసుకొస్తూ ఉంటుంది.
కేవలం బీమా పథకాలను అందించడమే కాకుండా అనేక పెట్టుబడి ప్రణాళికలను కూడా అందిస్తుంది. ఈ రోజు మనం అటువంటి పెట్టుబడి ప్రణాళిక గురించి తెలుసుకుందాం. దీనిలో మీరు పెట్టుబడి పెట్టడం ద్వారా డబ్బును ఆదా చేసుకోవచ్చు అలాగే మీరు బీమా రక్షణ పొందవచ్చు. ఆ పథకం పేరు ఎల్ఐసీ బీమా జ్యోతి ప్లాన్. ఈ ప్లాన్ వల్ల రెండు రకాల ప్రయోజనాలు కలుగుతాయి. ఆ ప్రయోజనాలు ఏంటి? ఈ పాలసీ ఎలా తీసుకోవాలి? వంటి కీలక విషయాల గురించి ఇప్పుడు తెలుసుకుందాం.
ఎల్ఐసీ బీమా జ్యోతి ప్లాన్ ప్రయోజనాలు
ఎల్ఐసీ బీమా జ్యోతి ప్లాన్ మీకు పొదుపు ప్లస్ బీమా పథకాల ప్రయోజనాలను అందిస్తుంది. ఈ ప్లాన్ మీకు మరణ ప్రయోజనాన్ని(డెత్ కవర్) కూడా అందిస్తుంది. పాలసీ వ్యవధిలో పాలసీదారు మరణించిన సందర్భంలో, నామినీకి ప్రాథమిక డిపాజిట్‌లో 125% లేదా వార్షిక ప్రీమియంకు 7 రెట్లు అందుతుంది. పాలసీ టర్మ్ పూర్తయిన తర్వాత, పాలసీదారుకు ప్రాథమిక హామీ మొత్తంతో పాటుగా గ్యారెంటీ జోడింపులు అందుతాయి.
10 సంవత్సరాల పాటు ప్రతి నెలా రూ. 10,000
ఎల్ఐసీ ప్రీమియం కాలిక్యులేటర్ ప్రకారం, మీరు ఈ పథకంలో 10 సంవత్సరాల పాటు ప్రతి నెలా రూ.10,000 డిపాజిట్ చేస్తే, 15 సంవత్సరాల తర్వాత మీకు రూ.17 లక్షల 90 వేలు వస్తాయి. 10 సంవత్సరాల పాటు ప్రతి నెలా రూ. 10,000 పెట్టుబడి పెట్టడం ద్వారా, మీరు ఈ పథకంలో మొత్తం రూ. 12 లక్షలు పెట్టుబడి పెడతారు. 15 సంవత్సరాల తర్వాత మీకు రూ. 17.9 లక్షలు లభిస్తాయి. ఈ విధంగా, రూ. 12 లక్షల పెట్టుబడి ప్రతి సంవత్సరం దాదాపు 7.5% రాబడిని ఇస్తుంది.
ఎల్ఐసీ బీమా జ్యోతికి అర్హతలు ఇవి..
ఎల్ఐసీ బీమా జ్యోతి ప్లాన్‌లో 90 రోజుల నుంచి 60 సంవత్సరాల మధ్య వయస్సు గల భారతీయ పౌరులు ఎవరైనా పెట్టుబడి పెట్టవచ్చు. ఎల్ఐసీ బీమా జ్యోతి ప్లాన్ కనీసం రూ. 1 లక్ష హామీ మొత్తం నుంచి ప్రారంభమవుతుంది. గరిష్ట పరిమితి లేదు. ఎంతమొత్తంపై అయిన పాలసీ తీసుకోవచ్చు. బహుళ ప్రయోజనాలు ఆశించే వారికి ఈ ప్లాన్ బాగుంటుంది.
మరిన్ని బిజినెస్ వార్తల కోసం ఇక్కడ క్లిక్ చేయండి..