Ugadi 2026: శ్రీ పరాభవ నామ సంవత్సర ఉగాది ఫలితాలు.. వృషభ రాశి వారికి ఎలా ఉందంటే..?
Ugadi 2026 Panchangam Vrushaba Rashi Phalalu: లాభస్థాన శని, దశమంలో రాహువు, ధనస్థానంలో గురువు అనుకూల ప్రభావంతో ఈ సంవత్సరం వృషభ రాశి వారికి జీవితంలో సానుకూల మార్పులు కనిపిస్తాయి. ఆదాయం మెరుగై ఆర్థిక సమస్యలు తగ్గిపోతాయి. ఆస్తి వ్యవహారాలు అనుకూలంగా ఉండి, పెట్టుబడులు లాభదాయకంగా మారే అవకాశం ఉంది. ఉద్యోగ, వృత్తి పరంగా పురోగతి స్పష్టంగా కనిపిస్తుంది. ఉద్యోగ ప్రయత్నాలు సఫలం కావడం, ప్రోత్సాహం లభించడం జరుగుతుంది.
వృషభం (కృత్తిక 2,3,4, రోహిణి, మృగశిర 1,2): శ్రీ పరాభవ నామ సంవత్సర ఉగాది ఫలితాలు..
ఆదాయం-5, వ్యయం-14 | రాజపూజ్యం-5, అవమానం-4
లాభ స్థానంలో శని, దశమంలో రాహువు, ధన స్థానంలో గురువు బాగా అనుకూలంగా ఉన్నాయి. ఈ సంవత్సరం జీవితం కొన్ని సానుకూల మలుపులు తిరిగే అవకాశం ఉంది. అనుకూలతలు ఎక్కువగా అనుభవానికి వస్తాయి.
ఆర్థిక వ్యవహారాలుః ఆస్తి, ఆర్థిక వ్యవహారాలు అనుకూలంగా సాగిపోతాయి. ఆదాయం ఆశించిన స్థాయిలో వృద్ది చెందుతుంది. ఆర్థిక సమస్యలు చాలావరకు పరిష్కారమవుతాయి. శుభ కార్యాలకు సహాయం చేయడం జరుగుతుంది. షేర్లు, స్పెక్యులేషన్లు కలిసి వస్తాయి.
వృత్తి, ఉద్యోగాలుః వృత్తి, ఉద్యోగాలు శీఘ్రంగా పురోగతి చెందడం, ఉద్యోగ ప్రయత్నాలు సఫలం కావడం వంటివి జరిగే అవకాశం ఉంది. తృతీయ స్థానంలో గురు సంచారం ప్రారంభం అవుతున్నందువల్ల అనేక శుభ ఫలితాలు, శుభ యోగాలు అనుభవానికి రావడం కూడా జరుగుతుంది. గురువు సప్తమ స్థానంలో ఉన్నందువల్ల తప్పకుండా శుభ పరిణామాలు చోటు చేసుకుంటాయి. వృత్తి జీవితం సాఫీగా, సంతృప్తికరంగా సాగిపోతుంది. ఉద్యోగంలో ఆశించిన ప్రోత్సాహం, ఆదరణ లభిస్తాయి. వ్యాపారాలు నిలకడగా ముందుకు సాగుతాయి.
కుటుంబ వ్యవహారాలుః ఆశించిన పెళ్లి సంబంధం కుదురుతుంది. మాట తొందర వల్ల కుటుంబంలో విభేదాలు, అపార్థాలకు అవకాశం ఉంది. ఆరోగ్యం అనుకూలంగా సాగిపోతుంది. ప్రముఖులతో స్నేహ సంబంధాలు ఏర్పడతాయి. ఇంటా బయటా ఒత్తిడి కాస్తంత ఎక్కువగా ఉంటుంది. ప్రేమ వ్యవహారాల్లో ఒకటి రెండు శుభవార్తలు వింటారు. కుటుంబసమేతంగా విహార యాత్ర చేసే అవకాశం ఉంది. పిల్లలు వృద్ధిలోకి వస్తారు.