ఏపీలో కోవిడ్ నిబంధనల్ని పటిష్టంగా అమలు చేసేందుకు ఉత్తర్వులు జారీ

దేశవ్యాప్తంగా అన్ లాక్ 5 అమలవుతుంది. ఈ క్రమంలో భారీ సడలింపులు ఇచ్చిన కేంద్ర ప్రభుత్వం, వ్యాధి వ్యాప్తి చెందకుండా అంతేస్థాయిలో నిబంధనలు కూడా పాటించాలని సూచించింది. ఈ క్రమంలో ఏపీలో కోవిడ్ నిబంధనల్ని పటిష్టంగా అమలు చేసేందుకు ప్రభుత్వం ఉత్తర్వులు జారీ చేసింది.

• అన్ లాక్ 5 సడలింపుల్లో భాగంగా సినిమా థియేటర్లు, ఫంక్షన్ హాళ్లు, రైతు బజార్లు, షాపింగ్ మాల్స్ తెరుచుకోనుండటంతో అన్ని చోట్లా మాస్కులు ధరించడం, భౌతికదూరం పాటించడం,  చేతులు శుభ్రపరుచుకునేలా ఏర్పాట్లు చేయించాలని జిల్లా కలెక్టర్లకు ఆదేశాల జారీ చేసిన రాష్ట్ర ప్రభుత్వం
• ప్రపంచ ఆరోగ్య సంస్థ, కేంద్ర హోంశాఖ, ఆరోగ్య, కుటుంబ సంక్షేమ మంత్రిత్వశాఖలు జారీ చేసిన మార్గదర్శకాలకు అనుగుణంగా రాష్ట్రవ్యాప్తంగా వాణిజ్య కార్యకలాపాలు సాఫీగా జరిగేందుకు ప్రైవేటు యాజమాన్యాలకు అవగాహన కల్పించాలని సూచనలు జారీ
• ఆర్టీసీ బస్సులు, ఆటోలు, ట్యాక్సీల లాంటి ప్రజా రవాణా సాధనాల్లో తప్పక కోవిడ్ నియంత్రణ మార్గదర్శకాలకు సంబంధించి సమాచారం ఉండాలని పేర్కొన్న ప్రభుత్వం
• దేవాలయాలు, మసీదులు, చర్చిల్లోనూ ఈ మార్గదర్శకాలను తప్పనిసరిగా అమలు చేయాలని స్పష్టం చేసిన ప్రభుత్వం
• మతపెద్దలు కూడా కోవిడ్ నియంత్రణ కార్యాచరణను ప్రజలు పాటించేలా ప్రచారం చేయాలని సూచన
• రాష్ట్రవ్యాప్తంగా అన్ని వాణిజ్య దుకాణాలు, చౌకదుకాణాల్లోనూ ప్రవేశమార్గం వద్దే కోవిడ్ నిబంధనల ప్రదర్శించాలని స్పష్టం చేసిన ప్రభుత్వం
• మాస్కు లేకపోతే సేవలను నిరాకరించాలని స్ఫష్టం చేసిన ప్రభుత్వం
• షాపింగ్ మాల్స్, దుకాణాలు, సినిమా థియేటర్లు , వినోద ప్రాంతాలు, ఫంక్షన్ హాళ్లు ఇతర బహిరంగ ప్రాంతాలకు మాస్కు లేకపోతే ప్రవేశం నిరాకరించాలని సూచించిన ప్రభుత్వం
• దీని పర్యవేక్షణకు ఒక ఉద్యోగిని నియమించేలా చర్యలు చేపట్టాలని జిల్లా కలెక్టర్లు, వైద్యాధికారులకు ఆదేశాలు జారీ
• ప్రతి ప్రభుత్వ ప్రకటన, వెబ్ సైట్లలోనూ కోవిడ్ నియంత్రణా మార్గదర్శకాలను కనీసం మూడు లైన్లలో ప్రచురించటం, ప్రసారం చేయాలని స్పష్టం చేసిన ప్రభుత్వం
• ప్రభుత్వ, ప్రైవేటు దుకాణాల్లోని ప్రతి బిల్లులోనూ మాస్కు, చేతుల శుభ్రత, భౌతిక దూరాన్ని పాటించేలా జాగ్రత్తలను ప్రచురించాలని సూచించిన ప్రభుత్వం.
• ఇప్పటికే ముద్రించిన వాటిపై స్టాంపు వేయాలని సూచన
• అన్ని బస్టాండ్లు, రైల్వే స్టేషన్లలో మైకుల ద్వారా మాస్కు ధరించేలా, చేతులను శానిటైజ్ చేసుకోవటం, భౌతిక దూరం పాటించటం వంటి వాటిపై మైకుల ద్వారా ప్రచారం చేయాలని సూచన చేసిన ప్రభుత్వం
• టెలివిజన్ ఛానళ్లు, ఎఫ్ఎం ఛానళ్లు, ఆల్ ఇండియా రేడియో సహా ఈ మార్గదర్శకాలను సంక్షిప్తంగా ప్రజలకు తెలిసేలా ప్రకటనలు ఇవ్వాలని ప్రతి గంటకూ ఈ ప్రకటన ఉండాలని స్పష్టం చేస్తూ ఆదేశాలు
• ప్రజలు సమావేశమయ్యే ప్రతీ సందర్భంలోనూ అధికారిక, అనధికారిక లేదా కుటుంబ సమావేశాల్లోనూ ముందుగా ఈ కోవిడ్ నియంత్రణ మార్గదర్శకాల ప్రచారంతోనే మొదలు పెట్టాలని సూచన జారీ
• అన్ని సినిమా థియేటర్లలోనూ మాస్కు ధరించటం, శానిటైజేషన్, భౌతిక దూరానికి సంబంధించి ప్రచార ప్రకటనలు వేయాలని ఆదేశాలు ఇచ్చిన ప్రభుత్వం
• పాఠశాలలు, విద్యాసంస్థలు , పారిశ్రామిక కార్యకలాపాలు నిర్వహించే చోటా ఈ మార్గదర్శకాలను తప్పనిసరిగా పాటించేలా విధిగా ప్రచారం చేయాలని ఆదేశించిన ప్రభుత్వం
• విద్యా సంస్థల్లో ప్రతి పిరియడ్ తర్వాత అధ్యాపకులు విద్యార్ధులకు ఈ జాగ్రత్తలు చెప్పాలని స్పష్టం చేసిన ప్రభుత్వం
• ప్రతి సందర్భంలోనూ కనీసం మూడు నిముషాల మేర సంక్షిప్తంగా మాస్కు, శానిటైజర్, భౌతిక దూరం పాటించేలా ప్రచారం ఉండాలని మార్గదర్శకాలు జారీ చేసిన ప్రభుత్వం
• బహిరంగ ప్రదేశాలు, పాఠశాలలు, కళాశాలలు, షాపింగ్ మాళ్లు, కార్యాలయాలు, వాణిజ్య సముదాయాలు, పారిశ్రామిక ప్రాంతాల్లోకి మాస్కు లేకపోతే ప్రవేశం లేదన్న నిబంధన పాటించాలని ఆదేశాలు జారీ చేసిన ప్రభుత్వం
• మాస్కు ధారణ, చేతులు శుబ్రపరుచుకోవటం, భౌతిక దూరం తదితర అంశాలపై ఇంటింటి ప్రచారం చేయాలని కూడా నిర్ణయించిన ప్రభుత్వం .
• వీటితో పాటు స్వచ్చంధంగా పరీక్ష చేయించుకునేందుకు ముందుకు వచ్చేలా ప్రజల్లో వాలంటీర్ల ద్వారా అవగాహన కల్పించాలని ఆదేశాలు
• ప్రతీ నెలా వాలంటీర్లు, ఆరోగ్య కార్యకర్తలూ ఇంటింటి ప్రచారం, తనిఖీ చేసేలా వైద్యారోగ్యశాఖకు సూచనలు
• ఆరోగ్యసేతు యాప్ ను రాష్ట్రవ్యాప్తంగా 77 లక్షల మంది వినియోగిస్తున్నారని ఇప్పటి వరకూ 1.3 కోట్ల మంది స్మార్ట్ పోన్లలో డౌన్ లోడ్ చేసుకున్నట్టు ప్రభుత్వం వెల్లడి
• కోవిడ్ నియంత్రణ కోసం ప్రభుత్వం ఇచ్చిన ప్రచారంలో భాగంగా మాస్కే కవచం ప్రకటనలు, హోర్డింగ్ లు ఏర్పాటు చేయాలని, యూట్యూబ్, ట్విట్టర్, ఫేస్ బుక్ , ఇన్ స్టాగ్రామ్ లలో ప్రచారం చేయాలని సమాచార పౌరసంబంధాల శాఖకు సూచనలు

Also Read : నందనవనంలో మహిళ దారుణహత్య