ఇండియా నుంచి అమెరికా చేరిన ఆ ‘మందు’

మలేరియా చికిత్సలో వాడే హైడ్రాక్సీక్లోరోక్విన్ మందు భారత్ నుంచి అమెరికా చేరింది. కరోనా వ్యాధి ట్రీట్ మెంట్ కు ఇది మంచి మెడిసిన్ అని అమెరికా అధ్యక్షుడు ట్రంప్ సహా వివిధ దేశాధినేతలు భావిస్తున్న సంగతి విదితమే.. ట్రంప్ విజ్ఞప్తి మేరకు ఈ మెడిసిన్ తో కూడిన విమానం శనివారం అమెరికాలోని నెవార్కా విమానాశ్రయానికి చేరుకుంది. 35.82 లక్షల హైడ్రాక్సీ మందుతో బాటు 9 మెట్రిక్ టన్నుల పారాసిటిమాల్ కూడా యుఎస్ చేరింది. కరోనా మహమ్మారిని ఎదుర్కొనేందుకు ఆయా దేశాలు జరుపుతున్న పోరాటంలో భాగంగా ఇండియా ఈ మందును పంపిందని అమెరికాలో భారత రాయబారి తరణ్ జిత్ సింగ్ సంధు ట్వీట్ చేశారు. ఇది తమ దేశానికి చేరగానే అమెరికన్లు దీన్ని స్వాగతించారు. భారత్ చూపుతున్న ఈ మానవతా దృక్పథాన్ని తాము మరచిపోలేమన్నారు. గతంలో కన్నా ఇప్పుడు ట్రంప్, భారత ప్రధాని మోదీ మధ్య స్నేహ బంధం మరింత ధృఢతరమైందని న్యూయార్క్ లోని రియల్ ఎస్టేట్ కన్సల్టెంట్ ఒకరు హర్షం వ్యక్తం చేశారు.

కాగా-ఓ కొత్త ఫ్రెంచ్ అధ్యయనం ప్రకారం.. వెయ్యికి పైగా ఆస్పత్రుల లోని కరోనా రోగులకు హైడ్రాక్సీ మందును యాంటీ బయాటిక్ మెడిసిన్స్ తో బాటు  ఇవ్వగా వారి ఆరోగ్యం చాలా వరకు మెరుగు పడిందట.