Moderna COVID-19 Vaccine: భారత్ లో కరోనా నివారణకు మోడెర్నా టీకా క్లినికల్ ట్రయల్స్ కు టాటా ప్రయత్నాలు..

Moderna COVID-19 Vaccine:  ప్రపంచ దేశాలు కరోనా వైరస్ నివారణ కోసం అమెరికా, బ్రిటన్, చైనా, రష్యా వంటి పలు దేశాలు వ్యాక్సిన్ ను ఇస్తున్నాయి. అయితే మన దేశంలో తయారైన కోవిషీల్డ్, కోవాగ్జిన్‌ టీకాలు ప్రపంచ వ్యాప్తంగా ఆదరణ సొంతం చేసుకున్నాయని చెప్పవచ్చు.. ఇప్పటికే భారత్ లో తొలిదశలో జనవరి 16 నుండి ఇప్పటి వరకూ దాదాపు 16 లక్షల మందికి టీకాలు వేసినట్లు సమాచారం. మరోవైపు పలు దేశాలకు వ్యాక్సిన్ ను సరఫరా చేస్తుంది. తాజాగా భారత్ లో మరో టీకా అందుబాటులోకి రానున్నదని తెలుస్తోంది. భారత్ మోడెర్నా టీకాకు క్లినికల్ ట్రయల్స్ నిర్వహించేందుకు టాటా మెడికల్ అండ్ డయాగ్నస్టిక్స్ ముందుకొచ్చినట్లు సమాచారం.

ఇండియన్ కౌన్సిల్ ఆఫ్ సైంటిఫిక్ అండ్ ఇండస్ట్రియల్ రీసెర్చ్ సంస్థతో కలిసి క్లినికల్ ట్రయల్స్ ను నిర్వహించేందుకు సిద్ధం అవుతున్నట్టు వార్తలు వినిపిస్తున్నాయి. అయితే, ఈ వార్తలపై మోడెర్నా కానీ, టాటా సంస్థల నుంచి కానీ అధికారిక ప్రకటన వెలువడాల్సి ఉంది. నవంబర్ నెలలో విడుదలైన తుది దశ ప్రయోగ ఫలితాల్లో మోడెర్నా 94.1 శాతం సమర్థవంతమైందని వెల్లడైన విషయం తెలిసిందే. అలాగే, ప్రయోగాల సమయంలో తీవ్రమైన అనారోగ్య సమస్యలు తలెత్తలేదని సంస్థ తెలిపింది. ఇప్పటికే ఈ టీకాను అమెరికా, ఐరోపా దేశాలు అనుమతించి పంపిణీ చేస్తున్నాయి. ఇప్పుడు టాటా గ్రూప్ హెల్త్ కేర్ వెంచర్ ప్రయత్నాలు ఫలిస్తే భారతదేశంలో కూడా కోవిషీల్డ్, కోవాగ్జిన్ తర్వాత మోడెర్నా కూడా అందుబాటులోకి వచ్చే అవకాశాలున్నాయి. ఈ మోడెర్నా టీకాను సాధారణ ఫ్రిజ్ ఉష్ణోగ్రత వద్ద నిల్వ చేయవచ్చు, ఇది భారతదేశం వంటి పేద దేశాలకు మరింత అనుకూలంగా ఉంటుందని నిపుణులు తెలిపారు. మరోవైపు జైకోవిన్, స్పుత్నిక్ వీ వ్యాక్సిన్లు ట్రయల్స్ లో ఉన్నాయి.

Also Read: రాత్రి 8 తర్వాత తీసుకునే ఆహారం వల్ల ఎలాంటి దుష్ఫలితాలు ఉంటాయి తెలుసా..!