ఫారెన్ నుంచి కాస్ట్లీ గిఫ్ట్ వచ్చిందంటూ మహిళకు టోకరా
ఫ్రీ గిప్ట్ అంటే చాలు..ఓ ఎగబడి వెళ్లిపొతాం. 10 వేల పెట్టి కొంటే గిఫ్ట్ అంటారు. తీరా 100 విలువ చేసే జగ్గో, మగ్గో చేతిలో పెడతారు.
ఫ్రీ గిప్ట్ అంటే చాలు..ఓ ఎగబడి వెళ్లిపొతాం. 10 వేల పెట్టి కొంటే గిఫ్ట్ అంటారు. తీరా 100 విలువ చేసే జగ్గో, మగ్గో చేతిలో పెడతారు. ఊరు, పేరు తెలియని వారు ఫోన్ చేసి మీకు విలువైన గిఫ్ట్ వచ్చిందన్నా చాలు..వారు ఎగిరి గంతేస్తారు కొందరు. మన పిచ్చి కాకపోతే, ఈ రోజుల్లో ఎవరైనా ఫ్రీగా మనకు ఎందుకు ఇస్తారు. దాని వెనుక స్కెచ్, స్కామ్ ఏదో ఒకటి ఉండే ఉంటుంది. అలాంటి ఫోన్ కాల్స్ ను గుడ్డిగా నమ్మితే బుక్కవ్వక తప్పదు. తాజాగా ఓ మహిళను కేటుగాళ్లు ఇలానే బురిడీ కొట్టించారు. ఫ్రీ గిఫ్ట్ పేరుతో హైదరాబాద్‌లోని సైదాబాద్‌ ఏరియాకు చెందిన మహిళ నుంచి రూ.6.30లక్షలు కొట్టేశారు సైబర్ నేరగాళ్లు. ఆమెకు ఫారెన్ నుంచి విలువైన డైమెండ్ నక్లెస్ బహుమతిగా వచ్చాయని నమ్మించారు. ఎయిర్‌పోర్ట్‌ అథారిటీ విభాగం నుంచి కాల్‌ చేస్తున్నామని ఆ బహుమతి అందుకోవాలని మాయమాటలు చెప్పారు. అయితే జీఎస్‌టీ, కస్టమ్‌ వంటి ఫీజుల పేరు చెప్పి పలు దఫాలుగా ఆమె వద్ద నుంచి రూ.6.30లక్షలు వివిధ ఖాతాల్లో జమ చేయించుకున్నారు.
అయితే వారు చెప్పినంత డబ్బులు వేసినా బహుమతి మాత్రం ఇంటికి రావడం లేదు. మళ్లీ మళ్లీ ఇంకా డబ్బు కావాలని అడుగుతున్నారు. ఇక్కడే సదరు మహిళకు సీన్ అర్థమైంది. మోసపోయానని గ్రహించి సైబర్‌క్రైం పోలీసులను ఆశ్రయించింది. కేసు నమోదు చేసుకున్న పోలీసులు దర్యాప్తు ప్రారంభించారు.
Also Read :
