Breaking News
  • ఆర్టీసీ కార్మికుల ఆత్మహత్యలపై కౌంటర్‌ దాఖలు చేసిన ప్రభుత్వం. నిరాధార ఆరోపణలతో ప్రభుత్వంపై నిందలు వేస్తున్నారు. ఆత్మహత్యలకు కారణాలను దర్యాప్తు సంస్థలు తేల్చాల్సి ఉంది. చట్టప్రకారం చర్యలు చేపట్టాలని కార్మికశాఖ కమిషనర్‌ను ఇప్పటికే హైకోర్టు ఆదేశించిందన్న సీఎస్‌. కార్మికుల జీతాలు సహా ఇతర డిమాండ్లపై కార్మికశాఖ కమిషనర్‌ తగిన చర్యలు తీసుకుంటారన్న సీఎస్‌.
  • ఏపీ బ్యాడ్మింటన్‌ అసోసియేషన్‌లో భారీగా నిధుల దుర్వినియోగం. మాజీ సెక్రటరీ చౌదరి సహా కొందరు సభ్యులపై కేసు నమోదు. నిధులు దుర్వినియోగం అయినట్టు రుజువుకావడంతో పున్నయ్య చౌదరిని అరెస్ట్‌చేసిన పోలీసులు.
  • విజయవాడ: సీఎం జగన్‌ పాలనతో సహకారం రంగం విరాజిల్లుతోంది. 2004లో స్వర్గీయ వైఎస్‌ఆర్‌ కోఆపరేటివ్‌ వ్యవస్థను బలోపేతం చేశారు. సహకారం రంగాన్ని టీడీపీ ప్రభుత్వం కుదేలు చేసింది. ఉద్యోగుల సమస్యలు పరిష్కరించేందుకు ప్రభుత్వం అండగా ఉంటుంది. రాజకీయ నాయకుల లాగా ఉద్యోగులు యూనియన్లు మారొద్దు-మంత్రి పేర్ని నాని. సహకార వ్యవస్థను బలోపేతం చేసేందుకు ప్రభుత్వం కృషి చేస్తోంది. రైతులకు అన్ని విధాలుగా సహకరించి రుణాలు అందించాలి-మంత్రి వెల్లంపల్లి
  • సిద్దిపేట: హుస్నాబాద్‌లో మోడల్‌ స్కూల్‌ను తనిఖీ చేసిన హరీష్‌రావు. చన్నీళ్లతో స్నానం చేస్తున్నామని మంత్రికి విన్నవించిన విద్యార్థులు. వాటర్‌ హీటర్‌ను వెంటనే రిపేర్‌ చేయించాలని ప్రిన్సిపాల్‌కు ఆదేశం. పిల్లలకు త్వరలో దుప్పట్లు పంపిణీ చేస్తానని హామీ.
  • తిరుపతి: కేరళ నుంచి సికింద్రాబాద్‌ వెళ్లే రైలులో నీటి కొరత. ఫిర్యాదు చేసినా పట్టించుకోని అధికారులు. నరక యాతన పడుతున్న అయ్యప్ప భక్తులు, ప్రయాణికులు. రైలును రేణిగుంట స్టేషన్‌లో ఆపేసిన ప్రయాణికులు.
  • మున్సిపల్‌ ఎన్నికలపై హైకోర్టులో కౌంటర్‌ దాఖలు చేసిన ప్రభుత్వం. పిటిషన్లన్నీ కొట్టివేయాలని సింగిల్‌ జడ్జిని కోరిన ప్రభుత్వం. పిటిషన్లపై ఇప్పటికే ధర్మాసనం విచారణ జరిపిందన్న ప్రభుత్వం. ప్రజా ప్రయోజన పిటిషన్లను ఇప్పటికే ధర్మాసనం కొట్టివేసిందన్న ప్రభుత్వం.
  • గుంటూరు: ఎస్పీ విజయరావుకు జనసేన ఫిర్యాదు. జనసేన కార్యకర్తలపై అక్రమ కేసులు పెడుతున్నారని ఫిర్యాదు. వాస్తవాలు పరిశీలించి న్యాయం చేయాలని విజ్ఞప్తి. ధర్మవరం ఘటనపై పూర్తి విచారణ చేపడతాం-ఎస్పీ విజయరావు. పోలీసులపై దాడి చేసిన వారిపైనే చర్యలు తీసుకుంటాం. అనవసర వివాదాలకు గ్రామస్తులు దూరంగా ఉండాలి-ఎస్పీ విజయరావు.
  • తూ.గో: అంతర్వేది బీచ్‌లో చోరీ. కారులో నుంచి బంగారు నగలు ఎత్తుకెళ్లిన దుండగులు. నగల విలువ రూ.3 లక్షలు ఉంటుందన్న బాధితులు. పీఎస్‌లో ఫిర్యాదు చేసిన బాధితుడు సూర్యనారాయణ.

ఒకే ఫ్రేమ్‌లో ప్రభాస్‌, హృతిక్‌.. మాస్ డైరక్టర్ సీక్రెట్ ప్లాన్

Prabhas And Hrithik Roshan As Lead Roles In War 2, ఒకే ఫ్రేమ్‌లో ప్రభాస్‌, హృతిక్‌.. మాస్ డైరక్టర్ సీక్రెట్ ప్లాన్

ఇండస్ట్రీలకు అతీతంగా ప్రపంచవ్యాప్తంగా క్రేజ్ తెచ్చుకున్న మాస్ హీరోల్లో హృతిక్ రోషన్, ప్రభాస్‌లు ముందు వరుసలో ఉంటారని చెప్పొచ్చు. ఇద్దరి కటౌట్లు చాలు.. ప్రేక్షకులను థియేటర్ల వరకు రెప్పించడానికి.. అలాంటిది వీరిద్దరూ కలిసి ఓ సినిమా చేస్తే.? బాక్స్ ఆఫీస్ రికార్డులు బద్దలవ్వడం ఖాయమే. ఇక ఇది త్వరలోనే నిజం కాబోతోంది.

ఇటీవల హృతిక్ రోషన్, టైగర్ ష్రాఫ్ ప్రధాన పాత్రల్లో దర్శకుడు సిద్ధార్థ్ ఆనంద్ తెరకెక్కించిన చిత్రం ‘వార్’ బాక్స్ ఆఫీస్ దగ్గర ఎంతటి ఘన విజయం సాధించిందో చెప్పనక్కర్లేదు. హృతిక్‌ను మళ్ళీ బీ-టౌన్‌లో సూపర్ స్టార్‌ను చేసింది. ఈ సినిమాను నిర్మించిన యష్ రాజ్ సంస్థ.. త్వరలోనే దీనికి సీక్వెల్‌ తీయాలనే ప్లాన్‌లో ఉన్నారట. హృతిక్‌కి పోటీగా టైగర్ ష్రాఫ్ ‘వార్’లో దుమ్ములేపేశాడు. ఇప్పుడు ‘వార్ 2’లో కూడా హృతిక్‌కు ధీటుగా నిలబడేవాడు ఉండాలని చిత్ర యూనిట్ చూస్తున్నారు.

ఇక దానికోసం రెబెల్ స్టార్ ప్రభాస్‌తో సంప్రదింపులు జరపాలని ప్రయత్నిస్తున్నారట. ప్రభాస్‌కు వరల్డ్ వైడ్ మార్కెట్ ఉంది.. అంతేకాకుండా బాలీవుడ్లో కూడా మంచి క్రేజ్ ఉండటంతో.. అతనైతేనే సినిమాకు సరిగ్గా సూట్ అవుతాడని యష్ రాజ్ సంస్థ భావిస్తోందని సమాచారం. ప్రభాస్ బీ-టౌన్లో సెటిల్ కావడానికి కూడా ఇది కరెక్ట్ ప్రాజెక్ట్ అని సినీ పండితులు అభిప్రాయపడుతున్నారు. మరి యష్ రాజ్ సంస్థ ప్రభాస్‌ను ఒప్పిస్తారో లేదో వేచి చూడాలి.

గతంలో కరణ్ జోహార్‌తో ప్రభాస్‌కు పారితోషికం దగ్గరే పేచీ వచ్చి ప్రాజెక్ట్ క్యాన్సెల్ అయిందని వినికిడి. అయితే యష్ రాజ్ సంస్థకు పారితోషికం విషయంలో ఇబ్బంది ఉండదు.. ఈ సంస్థ హీరోలకు చిత్ర లాభాల్లో వాటాలు ఇవ్వడం అలవాటు. కాబట్టి ఖచ్చితంగా ఈ ప్రాజెక్ట్ పట్టాలెక్కుతోందని ఫ్యాన్స్  అంటున్నారు.