విమానంలో షాకింగ్ ఘటన.. ఫ్లైట్‌ అటెండెంట్‌ను కొరికిన నటి
హాలీవుడ్ నటి సెల్మా బ్లెయిర్ డెల్టా ఎయిర్‌లైన్స్‌ విమానంలో సిబ్బందిపై దాడి చేసి, ఫ్లైట్‌ అటెండెంట్‌ను కొరికారనే ఆరోపణలు చర్చనీయాంశమయ్యాయి. ఈ ఘటనలో ఇద్దరు సిబ్బంది గాయపడినట్లు సమాచారం. న్యాయవాది వాదన ప్రకారం, మందులు సకాలంలో తీసుకోకపోవడం, తలకు గాయం, తీవ్రమైన అలసట కారణంగా ఆమె అయోమయానికి గురయ్యారు. ఉద్దేశపూర్వకంగా దాడి చేయలేదని ఆమె తరఫు న్యాయవాది కోర్టులో వాదించినట్లు కథనం పేర్కొంది.
ప్రముఖ హాలీవుడ్ నటి సెల్మా బ్లెయిర్ విమాన ప్రయాణంలో సృష్టించిన బీభత్సం ప్రస్తుతం అంతర్జాతీయ స్థాయిలో చర్చనీయాంశమైంది. లాస్‌ ఏంజెలెస్‌ నుంచి న్యూయార్క్‌ వెళ్తున్న డెల్టా ఎయిర్‌లైన్స్‌ విమానంలో ఆమె హడావుడి చేశారు. విమాన సిబ్బందిపై దాడి చేయడంతో పాటు ఒక ఫ్లైట్‌ అటెండెంట్‌ను కొరికినట్లు తీవ్ర ఆరోపణలు వచ్చాయి. ఈ ఘటనలో ఇద్దరు సిబ్బంది గాయపడ్డారు. అంతేకాకుండా విమానం దిగిన తర్వాత ఒక పోలీసు అధికారి, ఆసుపత్రి నర్సుపై కూడా ఆమె దాడికి పాల్పడినట్లు కేసు నమోదైంది. ఈ ఘటనపై సెల్మా బ్లెయిర్ తరఫు న్యాయవాది కోర్టులో .. నటి మానసిక పరిస్థితి సరిగ్గా లేదని వివరించారు. నాడీ సంబంధిత సమస్యలకు వాడే మందులు సకాలంలో తీసుకోకపోవడం, విమానంలో తలకు గాయం కావడం వల్ల ఆమె అయోమయానికి గురయ్యారని తెలిపారు. విరామం లేకుండా ఎక్కువ గంటలు పనిచేయడం వల్ల కలిగిన అలసట కూడా ఈ పరిస్థితికి కారణమని, ఉద్దేశపూర్వకంగా ఈ దాడి చేయలేదని వాదించారు. ఈ కేసు తదుపరి విచారణ జనవరి 19న జరగనుంది. ‘హెల్‌బాయ్‌’, ‘లీగల్లీ బ్లాండ్‌’ వంటి చిత్రాలతో ఆమె మంచి గుర్తింపు తెచ్చుకున్నారు. ఇదిలా ఉంటే, గతంలోనూ పలువురు సెలబ్రిటీలను తాను కొరికినట్లు సెల్మా బ్లెయిర్ తన పుస్తకంలో స్వయంగా వెల్లడించారు. పబ్లిక్ ప్రదేశాల్లో విపరీతమైన ఒత్తిడికి గురైనప్పుడు తాను అలా ప్రవర్తిస్తానని పేర్కొన్నారు. 2006లో నటి సియన్నా మిల్లర్‌, అలాగే సూపర్ మోడల్ కేట్ మోస్ వేళ్లను కూడా తాను కొరికినట్లు ఆమె గతంలో తెలిపారు.
మరిన్ని వీడియోల కోసం ఇక్కడ క్లిక్ చేయండి
Also Watch:
అరటినారతో అద్భుతం సృష్టించిన నేతన్న!
రెస్టారెంట్ల వంటగదుల్లో నిఘా కళ్లు.. అక్కడ వండితే ఇక్కడ కస్టమర్‌కి క్లియర్‌గా కనిపించేలా..
అరె.. ఈ గీతకార్మికుడి ఐడియా అదిరింది.. మోకు లేకుండానే చకచకా చెట్టెక్కేసాడు!
మంచును కరిగించేస్తున్న పెంగ్విన్ల మలం.. పరిశోధనలో షాకింగ్ విషయాలు!
దారం లాంటి ఈ చేపలను అంత ఇష్టంగా ఎందుకు తింటారు.. చీరమేను అసలు సీక్రెట్స్ ఇవే..