Soldiers Sperm: సైనికుల వీర్యం సేకరిస్తున్న కుటుంబీకులు.! సైనికుల వీర్యానికి భారీ డిమాండు.

ఇజ్రాయెల్‌ హమాస్ మధ్య కొనసాగుతున్న భీకర యుద్ధంలో ప్రాణాలు కోల్పోయిన సైనికులు, సామాన్య యువకుల వీర్యాన్ని సేకరించేందుకు బాధిత కుటుంబీకులు ప్రయత్నిస్తున్నారు. చనిపోయిన విషయం తెలిసిన వెంటనే వారు వైద్య నిపుణులను సంప్రదిస్తున్నారు. యుద్ధం మొదలైనప్పటి నుంచి 33 మంది నుంచి వీర్యాన్ని సేకరించినట్లు స్పెర్మ్‌ బ్యాంక్‌లు తెలిపాయి. ప్రస్తుతమున్న కొన్ని నిబంధనలను కూడా ఇజ్రాయెల్‌ ప్రభుత్వం తాజాగా సడలించడం గమనార్హం. భవిష్యత్తులో గర్భధారణకు వీలుగా మరణించిన వ్యక్తి నుంచి వీర్య కణాలను సేకరిస్తారు. ఈ విధానాన్నే మరణాంతర వీర్య సేకరణ అంటారు. వ్యక్తి మరణించిన 24 నుంచి 36 గంటల్లోనే ఈ ప్రక్రియను పూర్తి చేయాల్సి ఉంటుంది. ఇజ్రాయెల్‌ నిబంధనల ప్రకారం, పెళ్లైన, పెళ్లి కాని వ్యక్తుల నుంచి వీర్యాన్ని సేకరించవచ్చు. అయితే, వివాహం కాని యువకుడైతే అందుకు అక్కడి ఫ్యామిలీ కోర్టు అనుమతి తప్పనిసరి. అదే పెళ్లైన వ్యక్తి విషయానికొస్తే భార్య అభ్యర్థన మేరకు వీటిని సేకరించాల్సి ఉంటుంది. కానీ, మరణించిన వారి నుంచి వీటిని సేకరించడం సవాలుతో కూడుకున్న పని. అయితే, పెళ్లి కాని యువకుల నుంచి కోర్టు అనుమతి తప్పనిసరి నిబంధనను ఇజ్రాయెల్‌ ప్రభుత్వం సడలించింది. అంతేకాకుండా ఇటువంటి వారికి సాయం చేసేందుకు నాలుగు స్పెర్మ్‌ బ్యాంకులు 24 గంటల పాటు పనిచేసేలా ఐడీఎఫ్‌ నుంచి ప్రత్యేక యూనిట్లను ఏర్పాటు చేసింది. కేవలం కుటుంబీకులే కాకుండా పిల్లల కోసం ప్రయత్నించే ఎంతో మంది మహిళలు వీర్య దాతల కోసం ప్రభుత్వానికి దరఖాస్తు చేసుకుంటున్నారు. సాధారణంగా శరీరం రంగు, ఆకృతి, దేహ దారుఢ్యం కలిగిన వ్యక్తుల కంటే దేశం కోసం పోరాడే సైనికుల వీర్యానికే స్థానికంగా భారీ డిమాండు పెరుగుతున్నట్లు నివేదికలు చెబుతున్నాయి.

మరిన్ని వీడియోస్ కోసం:
Videos

ప్రగతి రెండో పెళ్లి ఇదిగో క్లారిటీ.! ప్రగతి ఏం చేసిన హాట్ టాపికే.

అవును ప్రేమ పెళ్లి చేసుకోబోతున్న. కొంతకాలంగా రిలేషన్లో ఉన్నా: శ్రీదివ్య.

చేసింది 4 సినిమాలైనా.. కూడబెట్టింది మాత్రం కోట్లలో.. వరుణ్ కార్స్ కలెక్షన్స్.