గట్టి పోటీ ఉన్న క్రికెట్ ప్రపంచంలో మెరుపులు మెరిపించడం అంత సులువు కాదు. అందుకే ప్రతిభ ఉండి కూడా అవకాశాల్లేక చాలామంది గల్లీ క్రికెట్‌కే పరిమితమైపోతున్నారు. అలాంటివారి వీడియోలు నెట్టింట చాలానే వైరల్ అయ్యాయి. తాజాగా రాజస్థాన్‌కు చెందిన ఓ పోలీసు క్రికెట్‌లో మెరుపులు కురిపిస్తున్న వీడియో నెట్టింట తెగ వైరల్ అవుతోంది. ఈ వీడియో చూసిన అనేకమంది ఆ పోలీసు ట్యాలెంట్‌పై ప్రశంసలు కురిపిస్తున్నారు. అంతేకాదు ఈ వీడియో చూసిన ముంబై ఇండియన్స్ టీం కూడా పోలీసు ట్యాలెంట్‌కు ఫిదా అయ్యారు. వైరల్ అవుతున్న ఈ వీడియోలో కొందరు యువకులు క్రికెట్ నెట్‌ ప్రాక్టీస్‌ చేస్తున్నారు. వారిలో పోలీసు యూనిఫారంలో ఉన్న ఓ వ్యక్తి బౌలింగ్‌ చేస్తున్నాడు. అతను చేసిన ఫాస్ట్‌ బౌలింగ్‌కి, బ్యాట్స్‌మెన్‌ క్లీన్‌ బౌల్డ్‌ అయ్యాడు. ఈ వీడియోను ఐపీఎల్‌ ముంబై ఇండియన్స్ జట్టు సోషల్‌మీడియాలో షేర్ చేసింది. ఈ వీడియోలో ఉన్న పోలీస్ కానిస్టేబుల్ పేరు దుర్జన్ సింగ్. అతను రాజస్థాన్‌లోని జైసల్మేర్ సమీపంలోని బోర్డర్ హోమ్ డిఫెన్స్ టీమ్‌లో పోలీసుగా పనిచేస్తున్నాడు. IPL ముంబై ఇండియన్స్ జట్టు ఈ వీడియోను షేర్ చేస్తూ.. హెలో.. మేముఈ ఫైరీ పేస్ కేసుపై రిపోర్ట్ చేయాలనుకుంటున్నామంటూ ట్విట్టర్‌లో రాసుకొచ్చారు.
మరిన్ని వైరల్ వీడియోల కోసం ఇక్కడ క్లిక్ చేయండి
Also Watch:
పట్టాలపై పిల్లాడు.. స్పీడుగా వస్తున్న రైలు.. తర్వాత ఏం జరిగిందంటే ??