పట్టాలు పుచ్చుకున్న పట్టభద్రుల్లోనే కాదు, కాయకష్టం చేసి బ్రతికే కష్ట జీవుల్లోనూ ప్రతిభావంతులు ఉన్నారు. పట్టభద్రులు ఫార్ములాలు, మెషిన్లు, మెజర్‌మెంట్స్‌ కావాలి. కానీ పట్టాలేని ఈ పట్టభద్రులకు చేతులే మెషిన్లు.. అనుభవమే మెజర్‌మెంట్‌.. పనితనమే ఫార్ములా.. అలాంటి ఎందరో మట్టిమాణిక్యాలకు నెలవు మన భారతదేశం. ప్రస్తుతం ఇంటర్నెట్‌ విస్తృతి పెరిగిన తర్వాత ఇలాంటి ఎందరో వెలుగులోకి వస్తున్నారు. తాజాగా అలాంటి ఓ వ్యక్తికి సంబంధించిన వీడియో నెట్టింట వైరల్ అవుతోంది. అతని ట్యాలెంట్‌ చూసి నెటిజన్లు షాకవుతున్నారు. వైరల్ అవుతున్న ఈ వీడియోలో ఓ వ్యక్తి ఇటుకల ఫ్యాక్టరీలో పనిచేస్తున్నాడు. ఇందులో విశేషమేముంది అనుకుంటే పొరపాటే. సాధారణంగా ఇటుకలు చాలా డెలికేట్‌గా ఉంటాయి. కిందపడినా, బలంగా ఏదైనా వాటిపైన పడినా చిన్న చిన్న ముక్కలుగా విరిగిపోతుంది. ఇక అలాంటి ఇటుకలను పలకలుగా కట్‌చేయాలంటే మెషిన్లపైనే సాధ్యమవుతుంది. కానీ ఈ పెద్దాయన అంత సున్నితమైన ఇటుకలను సుత్తి, ఉలితో ఎంతో ఈజీగా వేగంగా పలకలుగా కట్‌చేసేస్తున్నాడు. మందపాటి ఎర్రటి ఇటుకను తీసుకుని, దాని చుట్టూ సుత్తి, ఉలితో సున్నితంగా కొడుతూ.. ఒకే సైజులో 5 పలకలుగా దాన్ని కట్‌చేశాడు. పెద్దాయన ట్యాలెంట్‌కి ముగ్ధుడైన ఓ వ్యక్తి.. వీడియో తీసి, సోషల్ మీడియాలో షేర్ చేశాడు. ఈ వీడియో సోషల్ మీడియాలో తెగ చక్కర్లు కొడుతోంది. వీడియో చూసిన నెటిజన్లు ఆ వ్యక్తి ట్యాలెంట్‌కి ఫిదా అయిపోయారు. ఈ వీడియోను ఇప్పటికే 2 లక్షలమందికి పైగా లైక్‌ చేశారు. అద్భుతం.. మెషిన్‌ కూడా ఇంత బాగా కట్‌ చేయదేమో.. అంటూ కామెంట్లు పెడుతున్నారు.
మరిన్ని వైరల్ వీడియోల కోసం ఇక్కడ క్లిక్ చేయండి
Also Watch:
టివీ చూస్తున్నతండ్రి.. పెగ్‌ కలుపుతున్న కొడుకు.. చివరిలో సూపర్‌ ట్విస్ట్‌
కంటెంట్‌ క్రియేటర్లకు గుడ్‌ న్యూస్‌.. యూట్యూబ్‌లో ఎడిటింగ్ మరింత ఈజీ..