ఉత్తరప్రదేశ్‌లోని హమీర్‌పూర్ జిల్లాలో రెండు నెలల క్రితం అంటే ఆగస్ట్‌ 26న ఏడు రోజుల పురిటి బిడ్డను కన్నవాళ్లు వద్దనుకున్నారు. దీంతో ఒక వంతెన పైనుంచి కిందకు విసిరేశారు. అయితే అదృష్టవశాత్తు ఆ బిడ్డ ఓ చెట్టు కొమ్మపై పడింది. అ క్రమంలో ఓ పక్షి బిడ్డపై దాడి చేసి, ముక్కుతో పొడవడంతో రక్తం ఓడుతూ.. ఆర్తనాదాలు చేసింది. పసి వాడి ఏడ్పు విన్న స్థానికులు ఆ బిడ్డను రక్షించారు. తొలుత హమీర్‌పూర్ జిల్లా ప్రభుత్వ ఆసుపత్రికి తరలించగా.. అక్కడి నుంచి మెరుగైన వైద్యం కోసం కాన్పూర్‌లోని లాలా లజపత్‌రాయ్ హాస్పిటల్‌కి తరలించారు. చెట్టు కొమ్మలపై కాకులు పొడిచి, కీటకాలు కుట్టడంతో పాటు నవజాత శిశువు శరీరమంతా 50కు పైగా గాయాలయ్యాయి. తొలుత పసికందు బతకడం చాలా కష్టమని భావించిన డాక్టర్లు.. చివరికి ఎలాగోలా బతికించగలిగారు.
ఆసుపత్రి సిబ్బంది ఎంతో శ్రద్ధగా పసికందుకు చికిత్స అందించారు. శ్రీకృష్ణ జన్మాష్టమి నాడు చెట్టుపై దొరికిన ఆ పసికందుకు కృష్ణ అని పేరు పెట్టారు. రెండు నెలలపాటు కంటికి రెప్పలా కాపాడారు. గాయాల నొప్పితో ఆ బాబు ఏడ్చినప్పుడల్లా నర్సులు లాలిపాటలు పాడారు.. ఇలా అందరూ అమ్మలై ఆ పసి వాడిని కాపాడారు. గాయాల నుంచి పూర్తిగా కోలుకోవడంతో అక్టోబర్‌ 24న శిశు సంక్షేమ కమిటీ సభ్యులకు పోలీసులు అప్పగించారు. ఈ సందర్భంగా డాక్టర్లు, నర్సులు ఎంతో ఉద్వేగానికి గురయ్యారు. 2 నెలలపాటు ఎంతో అనుబంధం పెంచుకున్న ఆ బాల కృష్ణుడ్ని విడవలేక కన్నీరు కార్చినట్లు ఆస్పత్రి వైద్యురాలు తెలిపారు.
మరిన్ని వీడియోస్ కోసం:
Videos
Viral: అతను 180 మంది పిల్లలకు తండ్రి.! ఒక్క మహిళ కూడా ప్రేమగా ముద్దివ్వలేదట.!
Copper items: రాగి వస్తువులు ధరించడం వల్ల కలిగే లాభాలు తెలిస్తే బంగారం జోలికి పోరు.!
Leaves: ఉద్యోగులకు బంపర్‌ ఆఫర్‌.. మనసు బాలేదా? సెలవు తీసుకోండి.!.