కాలానికి తగ్గట్టు రంగు మార్చే పక్షిని చూశారా

మన ప్రకృతి ఎన్నో అద్భుతాలకు, వింతలకు నిలయం. పరిసరాలకు అనుగుణంగా తమను తాము మార్చుకుంటూ జీవించే ఊసరవెల్లి లాంటి ఎన్నో జీవులు మనల్ని ఆశ్చర్యపరుస్తాయి. ఆ కోవకే చెందింది వైట్-టైల్డ్ టార్మిగన్‌ అనే చిన్న పక్షి. ఉత్తర అమెరికాలోని పర్వత ప్రాంతాల్లో నివసించే ఈ పక్షి, రుతువులకు అనుగుణంగా తన రంగును మారుస్తుంది. శీతాకాలంలో ఈ పక్షి శరీరం మొత్తం మంచులా స్వచ్ఛమైన తెలుపు రంగులోకి మారుతుంది. మంచుతో నిండిన పరిసరాల్లో శత్రువుల కంట పడకుండా సులభంగా కలిసిపోతుంది. అదే వేసవి, వసంత కాలాల్లో దీని ఈకలు బూడిద, గోధుమ రంగు మచ్చలతో కనిపిస్తాయి. పర్వత ప్రాంతాల్లో సులభంగా దాక్కోవడానికి సహాయపడుతుంది. ఆ అద్భుత అనుసరణే దీని మనుగడకు కీలకం. సుమారు అర కిలో బరువుండే ఈ పక్షి తోక ఎప్పుడూ తెల్లగానే ఉంటుంది. అందుకే దీనికి “వైట్-టెయిల్డ్” అనే పేరొచ్చింది. దీని కాళ్లపై దట్టమైన ఈకలు ఉంటాయి. అవి “స్నో ప్యాంట్స్” లాగా చలి నుంచి రక్షణ కల్పిస్తాయి. మంచు మీద తేలికగా నడిచేందుకు “స్నోషూస్” లాగా కూడా ఉపయోగపడతాయి. చాలా నిశ్శబ్దంగా, అప్రమత్తంగా ఉండటం వల్ల దీనిని ‘ఘోస్ట్ బర్డ్’ అని కూడా పిలుస్తుంటారు. ప్రస్తుతం ఈ పక్షి జాతికి ఎలాంటి ప్రమాదం లేదని ఇంటర్నేషనల్ యూనియన్ ఫర్ కన్జర్వేషన్ ఆఫ్ నేచర్ స్పష్టం చేసింది.

మరిన్ని వీడియోల కోసం ఇక్కడ క్లిక్ చేయండి

Also Watch:

భవనంపై చిక్కుకున్న శునకం.. దిక్కుతోచక విలవిల..

వ్యక్తి కడుపులో రాళ్లగుట్ట..స్కానింగ్‌ రిపోర్ట్‌ చూసి డాక్టర్స్‌ షాక్‌!

మందుబాబులకు షాక్.. జూన్ 2 తర్వాత వీర బాదుడే!

అంతరిక్ష అద్భుతాన్ని మన గ్రామస్తుడు ఫొటో తీసాడు!

పూట గడవడానికి అప్పులు! అమెరికన్ల కష్టాలపై సర్వే!