సృష్టిలో పనికిరానిదంటూ ఏదీ ఉండదు. ఒకసారి ఉపయోగించిన వస్తువును మరోసారి మరో రూపంలో ఉపయోగించుకోవచ్చు. తాజాగా ఇక్కడ ఓ మహిళ ఖాళీ టూత్పేస్ట్ సాచెట్ను ఉపయోగించిన విధానం చూస్తే అందరికీ ఆశ్చర్యం కలుగుతుంది. ఏం ఐడియా మేడమ్ అనిపిస్తుంది. దానికి సంబంధించిన వీడియోను ప్రముఖ పారిశ్రామిక వేత్త హర్ష్ గోయెంకా పోస్ట్ చేశారు. దాంతో కాస్తా తెగ వైరల్ అవుతోంది. ఈ వీడియోలో వాటర్ ట్యాంక్ కుళాయి పాడై నీరు లీకవుతోంది. అది చూసిన మహిళకు ఓ వినూత్న ఆలోచన వచ్చింది. వెంటనే ఖాళీ పేస్ట్ సాచెట్ తీసుకుని దాని వెనుక వైపు కట్ చేసి కుళాయి పైపునకు కట్టింది. దానికి మూత పెట్టేస్తే నీరు ఆగిపోతోంది. నీరు కావాలనుకున్నప్పుడు ఆ మూత తీసేస్తే చాలు ఎంచక్కా నీరు బయటకు వస్తోంది. ఈ ఘటనకు సంబంధించిన వీడియో సోషల్ మీడియాలో తెగ వైరల్ అవుతోంది. హర్ష్ గోయెంకా పోస్ట్ చేసిన ఈ వీడియోను ఇప్పటివరకు లక్ష మందికి పైగానే వీక్షించారు. వెయ్యి మందికి పైగా లైక్ చేశారు. ఆ మహిళ తెలివితేటలపై నెటిజన్లు ప్రశంసలు కురిపించారు. ఐడియా నెక్ట్స్ లెవెల్, భారతీయ మహిళలు టూత్ పేస్ట్ ట్యూబ్ చాలా విధాలుగా వాడతారు అంటూ కామెంట్లు చేశారు.
మరిన్ని వైరల్ వీడియోల కోసం ఇక్కడ క్లిక్ చేయండి
Also Watch:
అబ్బ.. ఈ కోతి ఎంత మంచిదో !! నెట్టింట వైరల్ అవుతున్న క్యూట్ వీడియో