Viral Video: నిజంగానే చించేశాడు.. స్టేజ్‌పై తన టాలెంట్ చూపించాలనుకున్నాడు.. కానీ, జరిగింది చూస్తే కచ్చితంగా నవ్వుకుంటారు..!

Viral Video: నెట్టింట్లో వివాహాల వీడియోల సందడి రోజు రోజుకు పెరుగుతుంది. ఇందులో డ్యాన్సులకు సంబంధించిన వీడియోల హవా అయితే ఇక చెప్పనక్కర్లేదు.

Marriage Dance Viral Video

Venkata Chari |
Updated on: Sep 27, 2021 | 4:05 PM

Viral Video: నెట్టింట్లో వివాహాల వీడియోల సందడి రోజు రోజుకు పెరుగుతుంది. ఇందులో డ్యాన్సులకు సంబంధించిన వీడియోల హవా అయితే ఇక చెప్పనక్కర్లేదు. సోషల్ మీడియాలో తెగ వైరల్ అవుతుంటాయి. తాజాగా అలాంటి వీడియో ఒకటి వెలుగులోకి వచ్చింది. ఈ వీడియోలో ఒక వ్యక్తి తన డ్యాన్స్ ప్రతిభను వేదికపై చూపించాలనుకున్నాడు. కానీ, ఆ తరువాత జరిగిన సీన్ చూస్తే కచ్చితంగా మీరు నవ్వుకుంటారు. ఇతను నిజంగానే చించేశాడు అని అంటారు. ఇంటర్నెట్‌లో డ్యాన్స్ వీడియోలను పోస్ట్ చేయడంతో చాలా మంది రాత్రికి రాత్రే స్టార్‌లయ్యారు. ఈ ఎపిసోడ్‌లో మాత్రం అలా జరగలేదు.

అసలు విషయానికి వెళ్తే.. పెళ్లి వేడుకలో స్టేజ్‌పై ఇద్దరు అబ్బాయిలు డ్యాన్స్ చేయడం వీడియోలో చూడొచ్చు. ఇంతలో, ఒక బాలుడు తన ప్రతిభను స్పెషల్‌గా చూపించేందుకు ప్రయత్నిస్తాడు. కానీ, ఆ తర్వాత ఏం జరిగిందో.. ఆ అబ్బాయికి కూడా తెలియదు. డ్యాన్స్‌లో భాగంగా ఓ స్టెప్పు వేసేందుకు కొద్దిగా వెనుకకు వెళ్లిన ఆ అబ్బాయి.. అమాతం ఒక్కసారిగా లేస్తాడు. దీంతో స్టేజ్‌పై చేసిన డెకరేషన్‌‌కు తన కాలు చిక్కుకుని.. అందగంగా తయారుచేసిన వేదిక కాస్త… ఎక్కడిక్కడికి చినిగిపోయి కనిపించింది. దీంతో చుట్టుపక్కల ఉన్నవారంతా నవ్వుల్లో మునిగిపోయారు. ఏదో చేద్దామనుకున్నాడు. కానీ, చివరికి జరిగింది ఇదన్నమాట.

ఈ ఫన్నీ వీడియో అఫిసీయల్_వైరల్‌క్లిప్స్ అనే ఇన్‌స్టాగ్రామ్‌లో ఖాతాలో పోస్ట్ చేశారు. ఇన్‌స్టా వినియోగదారులకు ఈ వీడియో తెగ నచ్చేసింది. దాదాపు మూడు వేల మంది ఈ వీడియోను లైక్ చేశారు. ఈ సంఖ్య నిరంతరం పెరుగుతోంది. ఈ వీడియోపై నెటిజన్లు చాలా ఫన్నీగా కామెంట్లకు కూడా చూస్తున్నారు. ‘ఓ సోదరా నిజంగా చింపేశావు’ అంటూ ఒకరు కామెంట్ చేయగా.. పాపం ఏదో చేద్దామని అనుకున్నాడు.. ఏం జరిగిందో ఆయనకు కూడా తెలియదు’ అంటూ మరొకరు కామెంట్ చేశారు. మీరూ ఆ వీడియోను చూసి నవ్వుకోండి..