ప్రపంచంలో అధికంగా వజ్రాలను ఉత్పత్తి చేసే దేశాల్లో బోట్స్ వానా ఒకటి. ఆఫ్రికా దేశమైన బోట్స్వానాలోని కరోవే గనిలో 2,492 క్యారెట్ల వజ్రం లభ్యమైంది. ఇది ప్రపంచంలోనే రెండో అతి పెద్ద వజ్రంగా గుర్తింపు పొందింది. ఈ విషయాన్ని లుకారా డైమండ్ కార్పొరేషన్ గురువారం ఒక ప్రకటనలో తెలిపింది. కరోవే గనిలో ఏర్పాటు చేసిన ఎక్స్ రే డిటెక్షన్ టెక్నాలజీ ఆధారంగా దీన్ని గుర్తించినట్లు పేర్కొంది. అధిక నాణ్యత కలిగిన ఈ వజ్రం చెక్కుచెదరకుండా ఉందని లుకానా తెలపింది. ఇంత పెద్ద వజ్రం లభించడం వందేళ్లలో ఇదే మొదటిసారని పేర్కొంది. గతంలో దక్షిణాఫ్రికాలోని ఓ గనిలో కల్లినాన్ డైమండ్ బయటపడింది.
దక్షిణాఫ్రికాలో 1905లో వెలికి తీసిన 3,106 క్యారెట్ల కల్లినల్ వజ్రం ఇప్పటి వరకూ ప్రపంచంలోనే అతి పెద్ద వజ్రంగా గుర్తింపు పొందింది. ఆ భారీ వజ్రాన్ని 9 భాగాలు చేశారు. వాటిలో కొన్ని భాగాలను బ్రిటిష్ రాజవంశీకుల ఆభరణాల్లో వాడారు. అయితే తాజాగా లభ్యమైన ఈ వజ్రం రెండో అతి పెద్దదిగా నిలిచినట్లు లుకారా డైమండ్ కార్పొరేషన్ తెలిపింది. అయితే ఈ వజ్రం విలువ, నాణ్యత విషయాలను మాత్రం ఆ సంస్థ తెలియజేయలేదు. అసాధారణమైన ఈ వజ్రం లభ్యం కావడం ఎంతో సంతోషంగా ఉందని కార్పొరేషన్ అధ్యక్షుడు విలియం లాంబ్ పేర్కొన్నారు.
మరిన్ని వీడియోస్ కోసం:
Videos
Viral: అతను 180 మంది పిల్లలకు తండ్రి.! ఒక్క మహిళ కూడా ప్రేమగా ముద్దివ్వలేదట.!
Copper items: రాగి వస్తువులు ధరించడం వల్ల కలిగే లాభాలు తెలిస్తే బంగారం జోలికి పోరు.!
Leaves: ఉద్యోగులకు బంపర్ ఆఫర్.. మనసు బాలేదా? సెలవు తీసుకోండి.!.