మీరు వెయిట్‌ పెరగాలా అయితే రోజూ అరటిపండు తినండి.. మీకు ఇన్‌స్టంట్‌ ఎనర్జీ కావాలా టేక్‌ బనానా.. ఇలా ఎన్నో ప్రత్యేకతలున్న అరటి పండు అంటే అందరూ ఇష్టంగా తింటారు. ప్రస్తుతం ఈ అరటిపండు సోషల్‌మీడియాలో ట్రెండింగ్‌గా మారింది. అవును.. సాధారణంగా కాస్త పెద్ద అరటిపండును చూడగానే మనం ముచ్చటపడిపోతాం. కానీ ఈ అరటిపండును చూస్తేమాత్రం ఆశ్చర్యంతో ఇంత పెద్ద అరటిపండా..! అని నోరెళ్లబెడతాం. ఎందుకంటే ఈ ఒక్క అరటిపండు బరువు ఎంతుంటుందో తెలుసా… మూడు కిలోలు.. దీనిని ఒక్కరు కాదుకదా ఇద్దరు ముగ్గురు కూడా తినలేరు.. ఇవి ఆస్ట్రేలియన్‌ ద్వీపం పాపువా న్యూగినియాలో పండుతాయి. ఈ చెట్టు అరటిపండు ఒక మూర పొడవుంటుంది. ఈ భారీ అరటిపండు గిన్నిస్ రికార్డులో సైతం చోటు దక్కించుకుంది. న్యూ పాపువా గినియాకు చెందిన ఈ అరటి మొక్కలను ప్రపంచంలోనే అతిపెద్ద అరటి మొక్కగా గిన్నిస్ వరల్డ్ రికార్డ్స్ నమోదు చేసింది. ఈ చెట్టు కాండం 15 మీటర్ల ఎత్తు ఉంటుంది, దీని ఆకులు కూడా భూమినుంచి 20 మీటర్ల ఎత్తులో ఉంటాయట. ఈ చెట్టు అరటిగెలవేసి, అది పక్వానికి రావడానికి దాదాపు 5 సంవత్సరాలు పడుతుందట. ఈ అతిపెద్ద అరటిపండుకు సంబంధించిన వీడియో ఒకటి నెట్టింట వైరల్‌ అవుతోంది. ఇందులో ఈ భారీ అరటిపండును తినడానికి ఓ యువతి, మరో యువకుడు ప్రయత్నిస్తున్నారు. కాగా ఆ అరటిపండును చూసి నెటిజన్లు షాకవుతున్నారు. ఇంత పెద్ద అరిటిపండా అంటూ ఆశ్చర్యపోతున్నారు. రకరకాల కామెంట్లు చేస్తున్నారు.
మరిన్ని వీడియోస్ కోసం:
Videos
Jr.NTR – Ram Charan: కనిపించని దోస్తాన్.! చెర్రీ బర్త్‌డేకి ఎన్టీఆర్ ఎందుకు రాలేదు..?
Viral Video: రూ.80 లక్షలు ఇస్తానన్నా ఆమె ఒప్పుకోలేదు..
Rashmika Mandanna: ఇక ఆ డ్యాన్స్ చేయ‌ను..! నెటిజన్ ప్రశ్నకు రష్మిక సమాధానం..