ఇతను కదా.. అసలైన ఓటరు అంటే

Updated on: Nov 21, 2026 | 3:58 PM

చిత్తూరు జిల్లాలో జడ్పీటీసీ ఎన్నికల ఓట్ల లెక్కింపులో ఆసక్తికర ఘటన వెలుగులోకి వచ్చింది. ఓటుకు ఇచ్చిన రూ.1000 తీసుకోకుండా, రెండు రూ.500 నోట్లు, చీటీని బ్యాలెట్ బాక్స్‌లో వేసిన ఓటరు నిజాయితీ చాటుకున్నాడు. ఈ ఘటనపై జిల్లా కలెక్టర్ సుమిత్ కుమార్ హర్షం వ్యక్తం చేశారు. ప్రలోభాలకు లొంగకుండా ఓటు హక్కు విలువను కాపాడుకున్న వ్యక్తిని ఆయన అభినందించారు.

చిత్తూరు జిల్లాలో జరిగిన జడ్పీటీసీ ఎన్నికల ఓట్ల లెక్కింపులో ఒక ఆసక్తికరమైన, స్ఫూర్తిదాయకమైన ఘటన వెలుగులోకి వచ్చింది. ఎన్నికల సమయంలో ఓటర్లను ప్రలోభపెట్టడానికి కొందరు నాయకులు డబ్బులు పంచడం సాధారణంగా చూస్తుంటాం. కానీ, ఒక ఓటరు మాత్రం తనకు ఇచ్చిన డబ్బును తిరిగి బ్యాలెట్ బాక్స్‌లోనే వేసి తన నిజాయితీని చాటుకున్నాడు. పలమనేరు రూరల్ మండలం మురం గ్రామంలో జడ్పీటీసీ ఎన్నికల పోలింగ్ సందర్భంగా ఈ ఘటన చోటుచేసుకుంది. పోలింగ్ ముగిసిన తర్వాత పలమనేరులోని ప్రభుత్వ డిగ్రీ కళాశాలలో ఓట్ల లెక్కింపు ప్రక్రియ చేపట్టారు. బ్యాలెట్ బాక్స్‌లను తెరిచి ఓట్లను లెక్కిస్తున్న సమయంలో పోలింగ్ అధికారులకు ఒక బ్యాలెట్ పేపర్‌తో పాటు రెండు రూ.500 నోట్లు, ఒక చిన్న చీటీ కనిపించాయి. ఆ చీటీని తీసి చదివిన అధికారులు ఆశ్చర్యపోయారు. “అయ్యా మీరు ఇచ్చిన రూ.1000 డబ్బు మీరే తీసుకోండి.. డబ్బులు తీసుకొని నేను ఓటు వేయను” అని ఆ చీటీలో రాసి ఉంది. ప్రలోభాలకు లొంగకుండా, తన ఓటు హక్కు విలువను కాపాడుకోవాలని భావించిన ఆ అజ్ఞాత ఓటరు, తనకు పంపిణీ చేసిన వెయ్యి రూపాయలను బ్యాలెట్ బాక్స్‌లో వేసాడు. ఈ విషయం చిత్తూరు జిల్లా కలెక్టర్ సుమిత్ కుమార్ దృష్టికి వెళ్లడంతో ఆయన హర్షం వ్యక్తం చేశారు. డబ్బులకు ఆశపడకుండా, ప్రలోభాలను తిరస్కరించిన ఆ ఓటరు తీరు నేటి ప్రజాస్వామ్యానికి ఎంతో స్ఫూర్తిదాయకమని కలెక్టర్ కొనియాడారు. ప్రతి ఒక్కరూ ఇలాగే ఆలోచిస్తే ప్రజాస్వామ్యం మరింత బలోపేతమవుతుందని పేర్కొంటూ కలెక్టర్ ప్రత్యేకంగా ఒక ప్రకటన విడుదల చేశారు. ప్రస్తుతం ఈ ఘటన చిత్తూరు జిల్లా వ్యాప్తంగా చర్చనీయాంశంగా మారింది.

మరిన్ని వీడియోల కోసం ఇక్కడ క్లిక్ చేయండి

Also Watch:

Toll Plaza: వాహనదారులకు గుడ్‌ న్యూస్‌.. రూ.1500కే వార్షిక లోకల్ పాస్‌

రెండు చేతులూ కోల్పోయినా ధైర్యం వీడలేదు..

Inspiring Mother: చెత్త బండే అమ్మ ఒడి!..బిడ్డల కోసం స్టీరింగ్ పట్టిన యువతి!

NHAI: వాహనదారులకు బిగ్ అలర్ట్.. ఇన్సూరెన్స్ లేని వాహనాలకు భారీగా ఫైన్!

New Building Rules: బిల్డింగ్ రూల్స్‌ మారుతున్నాయ్‌..ఇల్లు కట్టుకోవడం ఇక ఈజీ..

Published on: Nov 21, 2026 03:58 PM
Loading...
Unable to load recommendations.
Follow Us