శభాష్ సీఐ గారు.. కాలుకి సర్జరీ అయినా ఆగని విధి నిర్వహణ
డాక్టర్ బి.ఆర్. అంబేద్కర్ కోనసీమ జిల్లాలో అమలాపురం రూరల్ సీఐ ప్రశాంత్ కుమార్ విధి నిర్వహణతో అందరి ప్రశంసలు అందుకుంటున్నారు. ఇటీవల కాలుకు పెద్ద శస్త్రచికిత్స చేయించుకుని, వైద్యులు విశ్రాంతి సూచించినప్పటికీ మున్సిపల్ ఎన్నికల బందోబస్తుకు హాజరయ్యారు. కాలుకు కట్టుతోనే పోలింగ్ కేంద్రాల వద్ద భద్రతా ఏర్పాట్లను పర్యవేక్షించారు. నొప్పిని భరిస్తూ విధులు నిర్వహించిన ఆయన అంకితభావాన్ని చూసి స్థానికులు, ఓటర్లు అభినందిస్తున్నారు.
డాక్టర్ బి.ఆర్. అంబేద్కర్ కోనసీమ జిల్లాలో ఒక పోలీస్ అధికారి చూపిన అంకితభావం, కర్తవ్య దీక్ష స్థానికులను, తోటి సిబ్బందిని విశేషంగా ఆకట్టుకుంటోంది. మున్సిపల్ ఎన్నికల బందోబస్తు విధుల్లో భాగంగా అమలాపురం రూరల్ సీఐ ప్రశాంత్ కుమార్ తన కాలు గాయాన్ని సైతం లెక్కచేయకుండా డ్యూటీ చేస్తూ అందరికీ ఆదర్శంగా నిలిచారు. ఇటీవల కాలంలో కాలుకు పెద్ద సర్జరీ చేయించుకున్న సీఐ ప్రశాంత్ కుమార్, వైద్యులు విశ్రాంతి తీసుకోమని సూచించినప్పటికీ ఎన్నికల సమయం కావడంతో తన బాధ్యతను నిర్వర్తించారు. కాలుకు కట్టుతోనే, సరిగ్గా నడవలేని స్థితిలో ఉన్నా ఆయన విధుల్లో చేరారు. పోలింగ్ కేంద్రాల వద్ద భద్రతా ఏర్పాట్లను స్వయంగా పర్యవేక్షిస్తూ, అవాంఛనీయ సంఘటనలు జరగకుండా సిబ్బందికి తగిన సూచనలు అందించారు. ప్రజలు ప్రశాంత వాతావరణంలో ఓటు హక్కును వినియోగించుకునేలా పోలింగ్ కేంద్రాల వద్ద పటిష్టమైన పోలీసు బందోబస్తును పర్యవేక్షించారు. కాలు నొప్పితో ఇబ్బంది పడుతూ కూడా కుంటుకుంటూ పోలింగ్ కేంద్రాల వద్ద తిరుగుతున్న ఆయనను చూసి, ఓటు వేసేందుకు వచ్చిన ప్రజలు, స్థానికులు తీవ్రంగా ప్రభావితులయ్యారు. “శభాష్ సీఐ గారు.. మీ అంకితభావానికి జేజేలు” అంటూ ప్రజలు ఆయనను మనస్ఫూర్తిగా అభినందిస్తున్నారు.
మరిన్ని వీడియోల కోసం ఇక్కడ క్లిక్ చేయండి
Also Watch:
ఇకపై తెలంగాణలో ఇన్‌స్టంట్ పింఛన్!ఎవరు అర్హులు?ఏ పత్రాలు కావాలి? ఎలా అప్లై చేయాలి?
Vande Bharat Sleeper: ఏపీకి తొలి వందే భారత్ స్లీపర్ రైలు వచ్చేసింది!
తల్లిదండ్రులను పట్టించుకోవడం లేదా?..‘జీతం కట్’ అంటోన్న తెలంగాణ సర్కారు
Bigg Boss Telugu 10: బిగ్ బాస్‌ భారీ ఆఫర్. ముఖం మీదే తిరస్కరించి రోహిత్
హిందూ- ముస్లిం లవ్‌.. బిగ్ బాస్‌ నుంచి తమ బిడ్డను.. మధ్యలోనే తీసుకెళ్లిన పేరెంట్స్