ఇటలీ రాజధాని రోమ్‌లో ఓ విచిత్ర సంఘటన జరిగింది. దొంగతనానికి వచ్చిన ఓ దొంగ తాను వచ్చిన పని వదిలేసి పుస్తకం చదువుతూ ఉండిపోయాడు. ఇంతలో యజమాని వచ్చి భుజం తడితే కానీ ఈలోకంలోకి రాలేదు సదరు దొంగ. ఇంతకీ అదేం పుస్తకం.. ఎందుకు వచ్చిన పని మర్చిపోయి మరీ పుస్తకంలో మునిగిపోయాడు.? బాల్కనీ ద్వారా ఓ ఫ్లాట్‌లోకి చొరబడిన 38 ఏళ్ల దొంగ విలువైన వస్తువుల కోసం వెదుకుతుండగా ఓ పుస్తకం కనిపించింది. గ్రీకు పురాణాలకు సంబంధించిన ఈ పుస్తకం అతడిని ఆకర్షించింది. దానిని చదవకుండా ఉండలేకపోయాడు. తాను చోరీకి వచ్చిన విషయం మర్చిపోయి కుర్చీలో కూర్చుని పుస్తకం చదవడం మొదలుపెట్టాడు. 71 ఏళ్ల ఇంటి యజమాని లేచి చూసేసరికి ఓ ఆగంతకుడు తన ఇంట్లో పరిసరాలు మర్చిపోయి పుస్తకం చదవడంలో లీనమైన విషయాన్ని గుర్తించాడు. యజమాని వచ్చిన విషయాన్ని కూడా గుర్తించని దొంగ పుస్తకం చదవడంలో నిమగ్నమైపోయాడు. చివరికి యజమానే అతడి భుజంపై చేయి వేసి తట్టాడు. దీంతో ఈ లోకంలోకి వచ్చిన దొంగ.. పరారయ్యేందుకు ప్రయత్నించాడు. అయితే, ఆ తర్వాత పోలీసులకు దొరికిపోయాడు. ఆ దొంగను అంతగా ఆకర్షించిన పుస్తకం ఏంటో తెలుసా? ‘గాడ్స్ ఎట్ సిక్స్ ఓ క్లాక్’. దీనిని ప్రముఖ రచయిత గియోవన్నీ నుచీ. చోరీకి వచ్చి పుస్తకం చదవకుండా ఉండలేకపోయిన దొంగ విషయం తెలిసిన నుచీ.. ఆ దొంగను ఎలాగైనా వెతికి పట్టుకుని ఆ పుస్తకాన్ని బహుమతిగా ఇవ్వాలని అనుకుంటున్నానని చెప్పారు. అతడు దొరికిపోయే సరికి సగం పుస్తకం మాత్రమే చదివి ఉంటాడని, కాబట్టి పుస్తకాన్ని ఇవ్వాలని అనుకుంటున్నట్టు చెప్పారు.
మరిన్ని వీడియోస్ కోసం:
Videos
Viral: అతను 180 మంది పిల్లలకు తండ్రి.! ఒక్క మహిళ కూడా ప్రేమగా ముద్దివ్వలేదట.!
Copper items: రాగి వస్తువులు ధరించడం వల్ల కలిగే లాభాలు తెలిస్తే బంగారం జోలికి పోరు.!
Leaves: ఉద్యోగులకు బంపర్‌ ఆఫర్‌.. మనసు బాలేదా? సెలవు తీసుకోండి.!.