తెలంగాణకు రెయిన్ అలర్ట్..నాలుగు రోజులు కుండపోతే వీడియో
తెలంగాణలో రాబోయే నాలుగు రోజులు కుండపోత వర్షాలు కురుస్తాయని హైదరాబాద్ వాతావరణ కేంద్రం ప్రకటించింది. పలు జిల్లాలకు ఎల్లో అలర్ట్ జారీ చేయబడింది. ప్రజలు అప్రమత్తంగా ఉండాలని, ముఖ్యంగా లోతట్టు ప్రాంతాల వారు జాగ్రత్తలు తీసుకోవాలని సూచించారు. హైదరాబాద్లో కూడా వర్షాలకు అవకాశం ఉంది.
తెలంగాణ రాష్ట్రంలో రాబోయే నాలుగు రోజుల పాటు కుండపోత వర్షాలు కురుస్తాయని హైదరాబాద్ వాతావరణ కేంద్రం అధికారులు వెల్లడించారు. రాష్ట్రవ్యాప్తంగా పలు జిల్లాలకు ఎల్లో అలర్ట్ జారీ చేశారు. తేలికపాటి నుంచి మోస్తరు వర్షాలతో పాటు, కొన్ని ప్రాంతాల్లో ఉరుములు, మెరుపులు, ఈదురుగాలులతో కూడిన వానలు పడే అవకాశం ఉందని తెలిపారు.దక్షిణ కర్ణాటక నుంచి తమిళనాడు అంతర్భాగంగా సగటు సముద్ర మట్టానికి 1.5 కిలోమీటర్ల ఎత్తులో ద్రోణి కొనసాగుతుండగా, తమిళనాడు తీరం వెంబడి నైరుతి బంగాళాఖాతంలో సగటు సముద్ర మట్టానికి 3.1 కిలోమీటర్ల ఎత్తులో ఉపరితల ఆవర్తనం విస్తరించి ఉంది. వీటి ప్రభావంతో తెలంగాణ వ్యాప్తంగా ఆదివారం వర్షాలు కురిశాయి.
మరిన్ని వీడియోల కోసం :