CM Vijay: ఆర్టీసీ బస్ కండక్టర్‌గా మారి.. టికెట్లు కొట్టిన సీఎం
తమిళనాడు ముఖ్యమంత్రి సి. జోసెఫ్ విజయ్ గాంధీ జయంతి సందర్భంగా వెట్రి పయనం పథకాన్ని ఘనంగా ప్రారంభించారు. ఈ పథకం ద్వారా రాష్ట్రంలో మహిళలకు ఉచిత బస్సు ప్రయాణ సౌకర్యాన్ని గణనీయంగా విస్తరించారు. మెట్రోపాలిటన్ ఎక్స్‌ప్రెస్, డీలక్స్ బస్సులు, కొండ ప్రాంత బస్సులతో సహా 12,692 బస్సుల్లో ఈ సేవలు అందుబాటులోకి వచ్చి, ప్రతిరోజూ 84.32 లక్షల మంది మహిళలకు లబ్ధి చేకూరుతుంది.
తమిళనాడు ముఖ్యమంత్రి సి. జోసెఫ్ విజయ్ రాష్ట్రంలో మహిళా సంక్షేమానికి మరో బృహత్తర అడుగు వేశారు. గాంధీ జయంతిని పురస్కరించుకొని, మహిళలకు ఉచిత బస్సు ప్రయాణాన్ని మరింత విస్తరిస్తూ వెట్రి పయనం అనే ప్రత్యేక పథకాన్ని ఘనంగా ప్రారంభించారు. చెన్నైలోని కోయంబేడు బస్ టెర్మినస్‌లో జరిగిన ఈ కార్యక్రమంలో సీఎం విజయ్ స్వయంగా బస్సు ఎక్కి ప్రయాణికులకు ఉచిత టికెట్లు అందజేసి, పథకాన్ని ప్రారంభించి అందరినీ ఆకట్టుకున్నారు. ఇప్పటివరకు సాధారణ సిటీ, టౌన్ బస్సులకే పరిమితమైన ఈ ఉచిత సౌకర్యం ఇప్పుడు మెట్రోపాలిటన్ పట్టణ ప్రాంతాల్లో నడిచే ఎక్స్‌ప్రెస్, లిమిటెడ్ స్టాప్ సర్వీస్, డీలక్స్ బస్సులకు కూడా వర్తిస్తుంది. అంతేకాకుండా, 40 కిలోమీటర్లు దాటిన మెఫ్యూసిల్ ఆర్డినరీ బస్సులు, కొండ ప్రాంతాల్లో తిరిగే ఆర్డినరీ బస్సులకు కూడా ఈ పథకాన్ని విస్తరించారు. ఈ విస్తరణతో రాష్ట్రంలోని ఏడు ప్రభుత్వ రవాణా సంస్థలకు చెందిన మొత్తం 12,692 బస్సుల్లో ఉచిత ప్రయాణ సౌకర్యం అందుబాటులోకి వచ్చింది, ఇది రాష్ట్రంలోని మొత్తం బస్సుల్లో దాదాపు 69 శాతానికి సమానం. ఈ నిర్ణయం ద్వారా ప్రతిరోజూ సుమారు 84.32 లక్షల మంది మహిళలకు లబ్ధి చేకూరనుందని అంచనా వేస్తున్నారు. ఉద్యోగాలు చేసే మహిళలు, కళాశాల విద్యార్థినిలు, నిత్య కృత్యాల కోసం ప్రయాణించే వారిపై ఆర్థిక భారాన్ని తగ్గించడమే ఈ పథకం ప్రధాన ఉద్దేశ్యం. ఎలాంటి ఆదాయ పరిమితి గానీ, ప్రయాణాల సంఖ్యపై పరిమితి గానీ లేకుండా అమలు చేస్తున్న ఈ పథకం మహిళలతో పాటు ట్రాన్స్‌జెండర్‌లకు కూడా వర్తిస్తుంది. అయితే స్టేట్ ఎక్స్‌ప్రెస్ ట్రాన్స్‌పోర్ట్ కార్పొరేషన్ సుదూర బస్సులకు మాత్రం ఈ పథకం నుంచి మినహాయింపునిచ్చారు.
మరిన్ని వీడియోల కోసం ఇక్కడ క్లిక్ చేయండి
Also Watch:
టాలీవుడ్‌ హీరోతో.. కోలీవుడ్ హీరోయిన్ ఎఫైర్.. ఈ కథ తెలిసి శివమెత్తిన హీరో తల్లి
టికెట్ ఇవ్వలేదని.. ఏకంగా థియేటర్‌నే కొనేశాడు.. ప్రభాస్‌ ఫ్యాన్‌తో పెట్టుకుంటే అంతే మరి!
Fahadh Faasil: చిన్నపిల్లని పెళ్లి చేసుకున్నా.. అందుకే ఇలా.. ఫహాద్ ఫన్నీ కామెంట్స్
ఆటోడ్రైవర్‌తో మహిళల ఫైట్‌.. నడిరోడ్డుపై జుట్టుపట్టి వీరంగం
ఫిట్‌నెస్సే నా అసలు రహస్యం.. మనసు ప్రశాంతంగా ఉంటేనే రికార్డుల మోత