Bombai Ki Ranu: ‘బొంబాయికి రాను’ యూట్యూబ్‌లో అరుదైన రికార్డ్

గత కొన్నేళ్లుగా ఫోక్ సాంగ్స్ సోషల్ మీడియాను ఏలేస్తున్నాయి. అందులోనూ తెలంగాణ ఫోక్ సాంగ్స్ కు అయితే సినిమా పాటలకు మించిన వ్యూస్ వస్తున్నాయి. పెళ్లిళ్లు, పండగలు, జాతరలు, స్కూల్ ఫంక్షన్లు, ఈవెంట్లు.. ఎక్కడ చూసినా మన తెలంగాణ ఫోక్ సాంగ్స్ వినపడాల్సిందే.. మాస్ స్టెప్పులు పడాల్సిందే. ఈ నేపథ్యంలో ఒక తెలంగాణ ఫోక్ సాంగ్ యూట్యూబ్ లో ఏకంగా 800 మిలియన్ల వ్యూస్ సొంతం చేసుకుంది. యూట్యూబ్ లో అత్యధిక వ్యూస్ సొంతం చేసుకున్న తెలుగు జానపద పాటగా రికార్డు సొంతం చేసుకుంది. బిగ్ బాస్ ఫేమ్ రామూ రాథోడ్ స్వయంగా రాసి ఆలపించిన ‘రానూ బొంబాయికి రానూ’ సాంగ్ ఇప్పటికీ యూట్యూబ్‌లో దూసుకుపోతోంది. గత కొన్నినెలలుగా ఈ ఫోక్ సాంగ్ సోషల్ మీడియాను వూపేస్తోంది. తెలంగాణ గ్రామీణ నేపథ్యాన్ని ప్రతిబింబించేలా లిరిక్స్, ఆకట్టుకునే ట్యూన్ ఈ పాటను ప్రత్యేకంగా నిలబెట్టాయి. అందుకే చిన్న పిల్లల నుంచి ముసలి వయసు వారు కూడా ఈ పాటను ఎంజాయ్ చేస్తున్నారు. రిపీటెడ్‌ గా వింటూ.. రీల్స్‌ చేస్తున్నారు. ఇప్పటివరకు తెలుగులో అత్యధిక వ్యూస్ వచ్చిన తెలుగు పాట అల్లు అర్జున్ నటించిన అల వైకుంఠపురంలోని బుట్టబొమ్మ సాంగ్ పేరిట ఉంది. అయితే తెలుగు జానపదా పాట విషయానికి వస్తే.. 80 కోట్ల వ్యూస్ తో ‘రానూ బొంబాయికి రానూ’ అగ్రస్థానంలో నిలిచింది. ఈ పాటకు రాము రాథోడే స్వయంగా లిరిక్స్ రాసి ఆలపించాడు. అలాగే కళ్యాణ్ కీస్ సంగీతం అందించాడు. శేఖర్ వైరస్ మాస్టర్ రూపొందించిన స్టెప్పులు పాటకు మరింత జోష్ తీసుకొచ్చాయి. వేములవాడ ప్రాంతంలో ప్రధానంగా ఈ సాంగ్ షూటింగ్ చేశారు. క్లైమాక్స్ సీన్స్ కోసం జగిత్యాలలో చిత్రీకరణ జరిపారు.

మరిన్ని వీడియోల కోసం ఇక్కడ క్లిక్ చేయండి

Also Watch:

ధనుష్‌ విడిపోవడం.. జీవితంలో పెద్ద లోటు