సోషల్ మీడియాలో జంతువులతో పాటు వివిధ రకాల జీవులకు సంబంధించిన వీడియోలు మనం రోజూ చూస్తుంటాం. వాటిలో కొన్ని ఎమోషనల్‌ వీడియోలు కూడా ఉంటాయి. తాజాగా అలాంటి ఓ వీడియోను కాంట్రవర్సీకి కేరాఫ్‌గా చెప్పుకునే డైరెక్టర్‌ రామ్‌గోపాల్‌ వర్మ పోస్ట్‌ చేసారు. వర్మ ఏంటి.. ఎమోషనల్‌ పోస్ట్‌ ఏంటి అనుకుంటున్నారా… అవును, వర్మ ఓ బాతుకు సంబంధించిన వీడియోను పోస్ట్‌ చేస్తూ.. మనుషులకే కాదు వీటికీ ఎమోషన్స్‌ ఉంటాయి అంటూ క్యాప్షన్‌ ఇచ్చారు. ఇంతకీ ఆ వీడియోలో ఏముందంటే… ఈ వీడియోలో ఓ చోట చిన్న నీటి గుంటలాంటిది ఉంది. దానిపైన పక్షులకు ఆహారం వేసి రెండు ట్రేలు ఉన్నాయి. అక్కడ ఓ బాతు, మరో పక్షి గింజలు తింటున్నాయి. ఇంతలో ఆ ట్రేల కింద ఉన్న చేపలు ఆహారం కోసం వెతుకుతున్నాయి. అది గమనించిన బాతు తను తినే గింజలను ఆ చేపలకు స్వయంగా తన నోటితో అందిస్తుంది. బాతు అందిస్తోన్న ఆహారం అందుకునేందుకు చేపలు ఒకదాని వెంట ఒకటి అక్కడికి చేరుకుని గింజలను అందుకుంటూ ఆరగిస్తున్నాయి. ఈ వీడియోను రామ్‌గోపాల్‌ వర్మ తన ట్విట్టర్‌లో షేర్‌ చేశారు.
మరిన్ని వైరల్ వీడియోల కోసం ఇక్కడ క్లిక్ చేయండి
Also Watch: