ఆలియా సినిమాపై ప్రభాస్ ట్వీట్.. ఆన్లైన్లో నయా డిస్కషన్
ప్రభాస్ ఇన్స్టాగ్రామ్ స్టోరీ ఆన్లైన్లో హాట్ టాపిక్గా మారింది. ఆలియా భట్ ఆల్ఫా ట్రైలర్కు ప్రభాస్ మద్దతు ఇవ్వడం, ఆలియా రిప్లై ఇవ్వడం చర్చకు దారితీసింది. అభిమానులు దీనిని కల్కి 2 సీక్వెల్కు లింక్ చేస్తున్నారు. ఆలియా కల్కి 2లో కీలక పాత్ర పోషించబోతుందనే ఊహాగానాలకు ఈ పోస్ట్ మరింత బలాన్ని చేకూర్చింది. అధికారిక ప్రకటన కోసం ఎదురుచూపులు.
ప్రభాస్ ఇన్స్టాగ్రామ్ స్టోరీతో ఆన్లైన్లో భారీ చర్చ జరుగుతోంది. బాలీవుడ్ స్టార్ హీరోయిన్ ఆలియా భట్ నటించిన ఆల్ఫా ట్రైలర్ను ప్రభాస్ తన ఇన్స్టాగ్రామ్ స్టోరీలో షేర్ చేసి, ఆలియాకు, చిత్ర బృందానికి శుభాకాంక్షలు తెలిపారు. దీనికి ఆలియా కూడా ధన్యవాదాలు తెలుపుతూ స్పందించారు. సాధారణంగా తన సహనటులు, సన్నిహితుల సినిమాలను ప్రోత్సహించే ప్రభాస్, ఇప్పుడు ఆలియా సినిమాకు మద్దతు ఇవ్వడం హాట్ టాపిక్గా మారింది.అభిమానులు ఈ చర్చను కల్కి 2898 AD సీక్వెల్కు లింక్ చేస్తున్నారు. కల్కి 2లో ఆలియా భట్ కీలక పాత్ర పోషించబోతున్నారనే వార్తలు ఇండస్ట్రీలో బలంగా వినిపిస్తున్నాయి. దీపికా పదుకొనె మొదటి భాగం నుండి తప్పుకోవడంతో, ఆమె స్థానంలో ఆలియా నటిస్తుందా లేదా మరో ముఖ్యమైన పాత్రలో కనిపిస్తుందా అనే చర్చ జరుగుతోంది. హైదరాబాద్ షెడ్యూల్లో ఆలియా కొన్ని సన్నివేశాలను షూట్ చేశారనే ప్రచారం కూడా జరిగింది. ఆలియా కల్కి 2లో ఉందా లేదా అనే దానిపై మేకర్స్ నుంచి ఎలాంటి అధికారిక ధ్రువీకరణ లేదు. అయితే ప్రభాస్ పోస్ట్, ఈ ఊహాగానాలను మరింత తెరపైకి తీసుకువచ్చింది.