Salaar Sooreedu Song: ఒకడు గర్జన.. ఒకడు ఉప్పెన.. గూస్ బంప్స్‌ తెప్పిస్తున్న సలార్ సాంగ్.!

పాన్ ఇండియా మూవీ లవర్స్ ఎంతో ఆసక్తిగా వెయిట్ చేస్తున్న సినిమా ‘సలార్’. ప్రశాంత్ నీల్ దర్శకత్వంలో రెబల్ స్టార్ ప్రభాస్ నటిస్తోన్న ఈ సినిమాపై ఇప్పటికే భారీ అంచనాలు ఉన్నాయి. ఈ మూవీ ఎప్పుడెప్పుడు రిలీజ్ అవుతుందా అని ఎదురుచూస్తున్న అభిమానులకు స్పెషల్ సర్ ప్రైజ్ ఇచ్చారు మేకర్స్. ఇటీవల విడుదలై ట్రైలర్‏తో మూవీపై మరింత హైప్ క్రియేట్ చేసిన మేకర్స్.. తాజాగా సలార్ నుంచి ఫస్ట్ సింగిల్ రిలీజ్ చేశారు. “సూరీడే గొడుగు పట్టి.. వచ్చాడే భుజం తట్టి.. చిమ్మ చీకటిలోనూ నీడల ఉండేటోడు.. రెప్పనొదలక కాపు కాసేడి కన్ను వాడు.. ” అంటూ సాగే ఈ పాటలోనే ప్రభాస్, పృథ్వీరాజ్ మధ్య స్నేహాన్ని చూపించబోతున్నారు. ఈ సినిమాకు రవి బస్రూర్ సంగీతం అందిస్తున్నారు. కృష్ణ కాంత్ ఈ పాటకు లిరిక్స్ అందించగా.. హరిణి ఇవతూరి ఆలపించారు. ఎమోషనల్ గా సాగుతున్న ఈ పాట ఆకట్టుకుంటుంది.

కేజీఎఫ్ తర్వాత నీల్ తెరకెక్కిస్తోన్న ఈ మూవీలో ప్రభాస్ యాక్షన్ లుక్‍లో కనిపించనున్నాడు. అంతేకాకుండా చాలా కాలం తర్వాత డార్లింగ్ మాస్ యాక్షన్ సినిమాలో నటిస్తుండడంతో ఈ మూవీపై భారీ హైప్ నెలకొంది. ప్రస్తుతం పోస్ట్ ప్రొడక్షన్ పనులు కంప్లీట్ చేసుకుంటున్న ఈ సినిమా ఈనెల 22న క్రిస్మస్ కానుకగా ప్రపంచ వ్యాప్తంగా గ్రాండ్ గా విడుదల కానుంది. రిలీజ్ టైమ్ దగ్గర పడుతుండడంతో మూవీ టీం ప్రమోషన్స్ స్టార్ట్ చేసింది. ఇప్పటికే టీజర్, ట్రైలర్ రిలీజ్ చేసిన టీం.. ఇప్పుడు సాంగ్స్ విడుదల చేస్తుంది. ఈ సినిమాలో ప్రభాస్ జోడిగా శ్రుతి హాసన్ కథానాయికగా నటిస్తుంది. అలాగే పృథ్వీరాజ్ సుకుమారన్, జగపతి బాబు కీలకపాత్రలలో నటిస్తున్నారు. ఈ చిత్రాన్ని హోంబలే ఫిల్మ్స్ బ్యానర్ పై నిర్మిస్తున్నారు. సలార్ చిత్రాన్ని రెండు భాగాలుగా విడుదల చేయనున్నట్లు గతంలోనే చిత్రయూనిట్ ప్రకటించింది. వచ్చే ఏడాది వేసవిలో ఈ మూవీ సెకండ్ పార్ట్ రెగ్యులర్ షూటింగ్ స్టార్ట్ కానుంది.

మరిన్ని వీడియోస్ కోసం:
Videos

ప్రగతి రెండో పెళ్లి ఇదిగో క్లారిటీ.! ప్రగతి ఏం చేసిన హాట్ టాపికే.

అవును ప్రేమ పెళ్లి చేసుకోబోతున్న. కొంతకాలంగా రిలేషన్లో ఉన్నా: శ్రీదివ్య.

చేసింది 4 సినిమాలైనా.. కూడబెట్టింది మాత్రం కోట్లలో.. వరుణ్ కార్స్ కలెక్షన్స్.