సోలో డేట్ ఉంది.. కానీ రిలీజ్ చేయడానికి సినిమాలే లేవుగా..!

ఏమన్నా అంటే సోలో రిలీజ్ డేట్ దొరకట్లేదు అంటుంటారు నిర్మాతలు.. కానీ కొన్నిసార్లు దొరికిన సోలో డేట్స్‌ను మాత్రం అలా వదిలేస్తుంటారు. ఈ వారం అదే జరుగుతుంది. ఒక్కటంటే ఒక్క క్రేజీ సినిమా కూడా జూన్ 26న థియేటర్లలోకి రావట్లేదు. దాంతో వచ్చిన ఈ గోల్డెన్ ఆపర్చునిటీని పాత సినిమాలే యూజ్ చేసుకుంటున్నాయి. మూకుమ్మడి దండయాత్ర చేస్తున్నాయి. గతవారం విడుదలైన మా ఇంటి బంగారం సినిమాకు మరో వారం దొరికేసింది.. ఈ వీక్ సినిమాలేవీ లేకపోవడం సమంత మూవీకి కలిసొచ్చే విషయం. ఎలాగూ జనాల్లోకి వెళ్లింది కాబట్టి రెండో వారం కూడా బంగారానికి వసూళ్లు బానే వచ్చేలా ఉన్నాయి. ఈ శుక్రవారం పరిస్థితి మాత్రం మరింత దారుణంగా ఉంది. అఖిల్ ‘లెనిన్’ జూన్ 26 నుంచి వాయిదా పడ్డాక.. దాన్నెవరూ క్యాష్ చేసుకోలేకపోయారు. ‘లెనిన్’ రాత్రికే రాత్రే వాయిదా వేయలేదు.. 10 రోజుల ముందే చెప్పారు నిర్మాతలు. అయినా కూడా జూన్ 26న ఏ సినిమా రావట్లేదు. దాంతో పాత సినిమాలనే తీసుకొస్తున్నారు బయ్యర్లు. మహేష్ బాబు ఒక్కడుతో పాటు పవన్ గబ్బర్ సింగ్, రాజ్ తరుణ్ సినిమా చూపిస్తా మావా లాంటి పాత సినిమాలు ఈ వారం మరోసారి థియేటర్స్‌లోకి వస్తున్నాయి. ఇక హనుమాన్‌ను 3డిలో రిలీజ్ చేశారు. ఈ వారం తెలుగులో కొత్త సినిమాలేవీ లేవు కానీ హిందీలో మాత్రం వెల్‌కమ్ టూ జంగిల్ విడుదల కానుంది. జూన్ 26న విడుదలవుతున్న ఈ చిత్రంలో సగం బాలీవుడ్ నటించింది. అక్షయ్ కుమార్ మెయిన్ హీరోగా నటించిన ఈ చిత్రం వెల్‌కమ్ ఫ్రాంచైజీలో భాగంగా వస్తుంది. దీనిపై అంచనాలు బాగానే ఉన్నాయి. మొత్తానికి ఈ వారం హిందీ సినిమాతోనే సరిపెట్టుకోవాలిక.

మరిన్ని వీడియోల కోసం ఇక్కడ క్లిక్ చేయండి

Also Watch:

పాస్‌పోర్ట్‌కి అప్లై చేయాలా? త్వరపడండి.. జులై 1 నుంచి ఫీజులు పెరుగుతున్నాయ్‌!

తెలుగు రాష్ట్రాలకు బిగ్ అలెర్ట్ 40 కి.మీ. వేగంతో ఈదురుగాలులు, పిడుగులు

Rashmika Mandanna: ట్రోలింగ్ భయంతో.. నోరు విప్పలేకపోతున్నా.. రష్మిక ఎమోషనల్

రూ.20 కడితే.. రూ.2 లక్షల బీమా.. అయినా ఎందుకింత నిర్లక్ష్యం?

ఖర్జూరం ప్రియులు తస్మాత్ జాగ్రత్త! గడువు ముగిస్తే.. ముప్పు తప్పదు!