డ్రగ్స్ కేసు.. మరోసారి టాలీవుడ్ను షేక్ చేస్తోంది. ఇటీవల తెలుగు ఇండస్ట్రీకి సంబంధించిన వ్యక్తులు డ్రగ్స్ కేసుల్లో ఇరుక్కోవడం మరోసారి సంచలనంగా మారింది. దర్యాప్తు సంస్థలు పలువురిని పిలిచి విచారించాయి కూడా. ఆ లిస్టులో ఉన్న హీరో నవదీప్ పేరు తాజాగా మదాపూర్ డ్రగ్స్ కేసులోనూ ప్రస్తావనకు వచ్చింది. ఇదే ఇప్పుడు మరో సారి ఈ హీరో పేరును హాట్ టాపిక్ అయ్యేలా చేసింది. ఇక కొద్దిరోజుల క్రితం మాదాపూర్ డ్రగ్స్ కేసులో ముగ్గురుని అరెస్టు చేశారు పోలీసులు. వారిలో గతంలో నేవీలో ఉద్యోగం చేసిన బాలాజీతో పాటు నిర్మాతగా ఉన్న వెంకటరత్నారెడ్డి, రైల్వేశాఖలో సీనియర్ స్టెనోగా ఉన్న మురళి ఉన్నారు. నిందితుల కస్టడీకి నాంపల్లి కోర్టు అనుమతినివ్వడంతో బాలాజీ, వెంకట్, మురళిలను పోలీసులు కస్టడీలోకి తీసుకుని విచారణ చేపట్టారు. ఇక వీరి విచారణలోనే పలు కీలక విషయాలు బయటపడ్డాయి. హైదరాబాద్ మాదాపూర్ డ్రగ్స్ కేస్ నిందితులకు ఈనెల 27వరకు రిమాండ్ విధించింది నాంపల్లి కోర్టు. ఈ కేసులో నవదీప్ను ఎ29 నిందితుడిగా చేర్చారు పోలీసులు. నవదీప్ ఇంకా పరారీలో ఉన్నట్లు రిమాండ్ రిపోర్ట్లో పోలీసులు స్పష్టం చేశారు.
మరిన్ని వైరల్ వీడియోల కోసం ఇక్కడ క్లిక్ చేయండి
Also Watch: