ఒకే రోజు రిలీజ్ కానున్న టాక్సిక్, ధురంధర్ వీడియో
మార్చి 19న రెండు పాన్ ఇండియా సినిమాలు – దురందర్ 2, టాక్సిక్ – ఒకే రోజు విడుదలవుతున్నాయి. ఓటీటీలో దురందర్ భారీ స్పందనతో దురందర్ 2పై అంచనాలు పెరిగాయి. బోల్డ్ కంటెంట్తో వచ్చిన టాక్సిక్ టీజర్ కుటుంబ ప్రేక్షకులను ఆకర్షిస్తుందా అనే ప్రశ్నలు తలెత్తుతున్నాయి. ఈ పోటీలో ఏది విజేతగా నిలుస్తుందో చూడాలి.
మార్చి 19న సిల్వర్ స్క్రీన్పై రెండు పాన్ ఇండియా సినిమాలు ఒకేసారి విడుదలై బిగ్ ఫైట్కు సిద్ధమవుతున్నాయి. జాతీయ స్థాయిలో సంచలనం సృష్టించిన దురందర్ సీక్వెల్తో పాటు, కేజీఎఫ్ తర్వాత యశ్ నటించిన టాక్సిక్ చిత్రం ఒకే రోజు ప్రేక్షకుల ముందుకు రానున్నాయి. ఈ పోటీలో ఏ సినిమా హాట్ ఫేవరెట్గా నిలుస్తుందో అనే చర్చలు జరుగుతున్నాయి. దురందర్ తొలి భాగం ఓటీటీ రిలీజ్ తర్వాత కొత్త చర్చ మొదలైంది. థియేటర్లలో కేవలం హిందీలో విడుదలైన దురందర్, ఓటీటీలో మాత్రం ప్రాంతీయ భాషల్లోనూ అందుబాటులోకి వచ్చి అద్భుతమైన స్పందన పొందింది. దీంతో దురందర్ 2పై ప్రాంతీయంగా కూడా భారీ అంచనాలు నెలకొన్నాయి. కంటెంట్ పరంగా దురందర్కు ఎక్కువ రీచ్ ఉండే అవకాశం ఉందని విశ్లేషకులు భావిస్తున్నారు.
మరిన్ని వీడియోల కోసం :