లేడీ కంటెస్టెంట్ పై బూతు పురాణం.. రెడ్ కార్డ్ ఇచ్చి బయటకు పంపిన బిగ్ బాస్..

టెలివిజన్ రియాలిటీ షోలలో అత్యంత ఆదరణ పొందిన ‘బిగ్ బాస్’షోలో ఊహించని సంచలనం చోటుచేసుకుంది. కన్నడ బిగ్ బాస్ సీజన్ 13లో జరిగిన ఒక పరిణామం ప్రస్తుతం టెలివిజన్ సర్కిల్స్‌లో హాట్ టాపిక్‌గా మారింది. హౌస్‌లో తోటి మహిళా కంటెస్టెంట్ పట్ల అత్యంత అసభ్యకరంగా ప్రవర్తించి, బూతులు మాట్లాడిన మేల్ కంటెస్టెంట్‌ మంజాను బిగ్ బాస్ తీవ్రంగా పరిగణించారు. షో చరిత్రలోనే ఎన్నడూ లేని విధంగా అతనికి ఏకంగా ‘రెడ్ కార్డ్’ చూపించి హౌస్ నుంచి ఎలిమినేటర్ చేశారు. బిగ్ బాస్ కన్నడ 13వ సీజన్‌లో కామన్ మేన్ కేటగిరీలో అడుగుపెట్టిన ‘మోడరన్ మహాకవి’ మంజునాథ్ మొదటి నుంచీ తన ప్రవర్తనతో తరచూ వివాదాల్లో నిలుస్తూ వచ్చాడు. అయితే, ఇటీవలి ఎపిసోడ్లలో భాగంగా హౌస్‌లోని తోటి కంటెస్టెంట్లు యష్ , సౌందర్యలతో గొడవ పడే క్రమంలో మంజ హద్దులు మీరాడు. మహిళా కంటెస్టెంట్ల క్యారెక్టర్‌ను కించపరిచేలా తీవ్రమైన బూతులు, అసభ్య పదజాలం ఉపయోగించడంతో తోటి హౌస్‌మేట్స్‌తో పాటు ప్రేక్షకులు కూడా తీవ్రంగా ఆగ్రహం వ్యక్తం చేశారు. ఈ వార్త సోషల్ మీడియాలో వైరల్ కావడంతో నెటిజన్లు అతనిపై చర్యలు తీసుకోవాలని పెద్ద ఎత్తున డిమాండ్ చేశారు. ఈ వివాదంపై వీకెండ్ శనివారం ఎపిసోడ్‌లో హోస్ట్ కిచ్చా సుదీప్ తీవ్రస్థాయిలో మండిపడ్డారు. టెలివిజన్ వేదికపై ఒక మహిళా కంటెస్టెంట్ వ్యక్తిత్వాన్ని క్యారెక్టర్‌ను కించపరిచే హక్కు ఎవరిచ్చారంటూ మంజను గట్టిగా నిలదీశారు. బిగ్ బాస్ ఇప్పటికే పలుమార్లు హెచ్చరించినప్పటికీ అతని తీరు మారకపోవడంపై హోస్ట్ తీవ్ర అసంతృప్తి వ్యక్తం చేశారు. ఈ వివాదం ముదరడంతో బిగ్ బాస్ కన్ఫెషన్ రూమ్‌లో మంజను కూర్చోబెట్టి, అతను వాడిన అసభ్యకరమైన మాటల ఆడియో క్లిప్పింగ్స్‌ను వినిపించారు. ఆ మాటలు విన్న మంజ పశ్చాత్తాపం వ్యక్తం చేస్తూ కన్నీరుమున్నీరయ్యాడు. క్షమాపణలు కోరినప్పటికీ, మహిళలపై అసభ్య పదజాలం వాడినందుకు జీరో టాలరెన్స్ పాలసీని అనుసరిస్తూ బిగ్ బాస్ అతనికి రెడ్ కార్డ్ జారీ చేశారు. సరిగ్గా అక్టోబర్ 11న అతని పుట్టినరోజు నాడే ఈ షాకింగ్ ఎలిమినేషన్ జరగడం గమనార్హం. ఐదు వారాల పాటు హౌస్‌లో ఉన్న మంజ, తన నోటి దురుసుతనం వల్ల ఇలా అర్థాంతరంగా బయటకు వెళ్లాల్సి వచ్చింది.

మరిన్ని వీడియోల కోసం ఇక్కడ క్లిక్ చేయండి

Also Watch:

ఆ తెలుగు డైరెక్టర్.. కమిట్మెంట్ అడిగాడు!

ఆ వెదవలకు గట్టిగా బుద్ది చెప్పిన.. వేణు స్వామి భార్య

Rashmika Mandanna: విరోష్‌ గొప్ప మనసు.. ఏకంగా 400 కుటుంబాల దత్తత!