Cyclone Arnab: తుఫాన్ విధ్వంసం.. అంధకారంలో గ్రామాలు..తాగునీటికి కటకట!

అసని తుఫాన్ ఆంధ్రప్రదేశ్ తీరప్రాంత జిల్లాల్లో తీవ్ర బీభత్సం సృష్టించి విస్తృత నష్టాన్ని కలిగించింది. కేవలం కొన్ని గంటల పాటు సాగిన ఈ సైక్లోన్ అరాచకానికి వేలాది మంది ప్రజల జీవితాలు అతలాకుతలమయ్యాయి. ముఖ్యంగా కృష్ణా జిల్లాను తీవ్ర విద్యుత్ కష్టాలు వెంటాడుతున్నాయి. ఈదురు గాలుల ధాటికి వందలాది విద్యుత్ స్తంభాలు నేలకూలాయి. దీని ఫలితంగా మచిలీపట్నం, బంటుమిల్లి, పెడన, కోడూరు, నాగాయలంక, గూడూరు సహా పలు ప్రాంతాలు ఇప్పటికీ చీకటిలోనే మగ్గుతున్నాయి. విద్యుత్ సరఫరాను పునరుద్ధరించేందుకు దాదాపు 150 విద్యుత్ బృందాలు క్షేత్రస్థాయిలో తీవ్రంగా శ్రమిస్తున్నాయి. పశ్చిమ గోదావరి జిల్లాలోనూ విద్యుత్ సరఫరా లేకపోవడంతో తాగునీటి కష్టాలు తీవ్ర రూపం దాల్చాయి. మూడు రోజులుగా విద్యుత్ లేక బోర్లు పనిచేయకపోవడంతో ప్రజలు తీవ్ర అవస్థలు పడుతున్నారు. మంచినీటి కోసం వాటర్ ప్లాంట్ల వద్ద క్యూ కడుతున్నారు. అక్కడ కూడా కరెంటు లేకపోవడంతో, అధికారులు, ప్లాంటు నిర్వాహకులు జనరేటర్ల సహాయంతో తాగునీటిని పంపిణీ చేస్తున్నారు. విజయనగరం జిల్లాను కూడా తుఫాన్ వణికించింది. సువర్ణముఖి నది ఉప్పొంగి ప్రవహిస్తుండడంతో వరదనీరు ఇళ్లలోకి చేరుతోంది. కొప్పరతో పాటు పలు లోతట్టు గ్రామాలు పూర్తిగా జలదిగ్బంధంలో చిక్కుకున్నాయి. నిత్యావసర సరుకులు, తాగునీరు దొరక్క బాధితులు అల్లాడిపోతున్నారు. రైల్వే అండర్ పాస్ లు, ప్రధాన రహదారులు జలమయం కావడంతో రవాణా వ్యవస్థ పూర్తిగా స్తంభించిపోయింది. తక్షణమే స్పందించి సహాయక చర్యలు వేగవంతం చేయాలని బాధితులు అధికారులను విజ్ఞప్తి చేస్తున్నారు.

మరిన్ని వీడియోల కోసం ఇక్కడ క్లిక్ చేయండి

Also Watch:

గిల్ నుదుటిపై ఏంటా గ్యాడ్జెట్.. బ్యాటింగ్‌కు ముందు బ్రెయిన్ టెస్ట్ చేస్తున్నాడా

మర్రిచెట్టు తొర్రలో.. రూ.15 లక్షలు!

బాత్రూంలో జారిపడి.. ఎవరూ పట్టించుకోకపోవడంతో.. స్టార్ డైరెక్టర్ కన్నుమూత

Abhishek Sharma: టీమిండియా కొత్త కెప్టెన్ గా అభిషేక్ శర్మ.. కానీ ఓ కండీషన్

రాధిక సహాయకురాలి కొడుకు దారుణ హత్య..బీచ్‌లో పాతిపెట్టిన స్నేహితులు