బంగారం కొంటున్నారా? జాగ్రత్త.. మార్కెట్లో కొత్త తరహా కల్తీ మోసం

బంగారం కొనుగోలుదారులు, నగల వ్యాపారులకు అలర్ట్‌. మార్కెట్లో ఒక కొత్త తరహా కల్తీ మోసం వెలుగులోకి వచ్చింది. బంగారంలో అధిక సాంద్రత కలిగిన రుథేనియం, ఇరీడియం, ఓస్మియం వంటి భారీ లోహాల పొడిని కలిపి బరువును కృత్రిమంగా పెంచుతున్నట్లు ఆరోపణలు వస్తున్నాయి. మార్కెట్లో దీనిని ‘గోల్డ్ పౌడర్’ అని పిలుస్తున్నారు. ఈ లోహాల సాంద్రత బంగారం కంటే ఎక్కువగా ఉండటంతో, తక్కువ పరిమాణంలో కలిపినా బంగారం బరువు గణనీయంగా పెరుగుతోంది. విచిత్రమేమిటంటే.. సాధారణంగా చేసే యాసిడ్ టెస్ట్, టచ్‌స్టోన్ పరీక్షల్లో కూడా ఈ కల్తీని గుర్తించడం సాధ్యం కావడం లేదు. అయితే నగల తయారీ కోసం బంగారాన్ని కరిగించినప్పుడు మాత్రం అసలు విషయం బయటపడి తీవ్ర నష్టం వాటిల్లుతోందని వ్యాపారులు ఆవేదన వ్యక్తం చేస్తున్నారు. ఈ పరిస్థితిపై మధ్యప్రదేశ్‌లోని ఇండోర్ సారాఫా మార్కెట్ వ్యాపారులు అత్యవసర సమావేశం నిర్వహించి బులియన్ డీలర్లను అప్రమత్తం చేశారు. ఈ కల్తీ పొడి మహారాష్ట్ర, పశ్చిమ బెంగాల్ మార్గాల ద్వారా వస్తోందని, మార్కెట్ ధర కంటే 10 శాతం తక్కువకే లభిస్తోందని సమాచారం. ఇలాంటి కల్తీలను గుర్తించడానికి ఎక్స్‌రే ఫ్లోరోసెన్స్ విశ్లేషణ, ఎలక్ట్రాన్ మైక్రోస్కోపీ వంటి ఆధునిక సాంకేతిక పరీక్షలు అవసరమని నిపుణులు స్పష్టం చేస్తున్నారు. సామాన్య వినియోగదారులు బంగారం కొనుగోలు చేసేటప్పుడు కేవలం బరువు లేదా ప్రాథమిక పరీక్షలను మాత్రమే నమ్మకుండా, విశ్వసనీయమైన నగల దుకాణాల్లో బిఐఎస్ హాల్‌మార్క్ ఉన్న ఆభరణాలను మాత్రమే తీసుకోవాలని సూచిస్తున్నారు. ఈ కథనంలోని కల్తీ ఆరోపణలు వ్యాపారుల ఫిర్యాదులు, నివేదికల ఆధారంగా ఉన్నాయి. అనుమానాస్పద పదార్థం మూలం ఇంకా స్వతంత్రంగా నిర్ధారించబడలేదు.

మరిన్ని వీడియోల కోసం ఇక్కడ క్లిక్ చేయండి

Also Watch:

దీపావళికి పిల్లలకు డబ్బులు ఇస్తున్నారా? ట్యాక్స్ రూల్స్ ఇవే!

బంగాళాఖాతంలో మరో ఆవర్తనం.. ఏపీ, తెలంగాణకు ఎల్లో అలర్ట్.. మళ్లీ భారీ వర్షాలు తప్పవా?

Vijay Sethupathi: ఎమ్మీ అవార్డుల తొలి భారతీయ ప్రెజంటర్‌గా.. హీరో విజయ్ సేతుపతి రికార్డు

అనిరుధ్ సక్సెస్ కారణం ధనుష్‌! ఐశ్వర్య రజినీ కామెంట్స్ వైరల్

Bigg Boss Telugu 10: బిగ్‌బాస్‌లోకి రోహిత్ రీ ఎంట్రీ! అభిజిత్ ట్వీట్‌తో పెరిగిన అంచనాలు..