LPG: ఎల్పీజీ గ్యాస్ సిలిండర్లపై కొత్త రూల్ !!
ఢిల్లీ ప్రభుత్వం LPG సిలిండర్ సరఫరాను క్రమబద్ధీకరించింది. ఏజెన్సీల నుండి ప్రత్యక్ష విక్రయాలను నిషేధించి, అన్ని సిలిండర్లను నేరుగా ఇంటికే డెలివరీ చేయాలని ఆదేశించింది. చిరునామా లేని వలస కార్మికుల కోసం 5 కేజీల సిలిండర్ల సరఫరాను పెంచింది. అక్రమ రవాణా, బ్లాక్ మార్కెటింగ్ను అరికట్టడానికి ప్రత్యేక కంట్రోల్ రూమ్, తనిఖీలు జరుగుతున్నాయి. ప్రజలు వదంతులను నమ్మవద్దని ప్రభుత్వం కోరింది.
దేశ రాజధానిలో ఎల్పీజీ సిలిండర్ల సరఫరాను క్రమబద్ధీకరించేందుకు ఢిల్లీ ప్రభుత్వం కీలక నిర్ణయాలు తీసుకుంది. గ్యాస్ ఏజెన్సీలు లేదా గిడ్డంగుల నుంచి వినియోగదారులకు నేరుగా సిలిండర్లు విక్రయించడాన్ని పూర్తిగా నిషేధిస్తున్నట్లు ముఖ్యమంత్రి రేఖా గుప్తా ప్రకటించారు. నిబంధనలు ఉల్లంఘించే వారిపై కఠిన చర్యలు తప్పవని హెచ్చరించారు. బుక్ చేసుకున్న సిలిండర్లు నేరుగా వినియోగదారుల ఇళ్లకే చేరుతున్నాయని, కనుక ప్రజలు గ్యాస్ గోడౌన్ల వద్ద గుంపులుగా చేరవద్దని ప్రభుత్వం సూచించింది. ఆయిల్ మార్కెటింగ్ కంపెనీలు కూడా గిడ్డంగుల వద్ద అమ్మకాలు చట్టవిరుద్ధమని స్పష్టం చేశాయి. ప్రస్తుతం ఢిల్లీలో సగటు హోమ్ డెలివరీ సమయం 4 రోజులుగా ఉందని, సరఫరా వ్యవస్థ పూర్తిగా స్థిరంగా ఉందని అధికారులు వెల్లడించారు. ఏప్రిల్ 4న ఒక్కరోజే 1.31 లక్షల సిలిండర్లను పంపిణీ చేయడం విశేషం. చిరునామా ధృవీకరణ లేని వలస కార్మికుల కోసం 5 కేజీల చిన్న సిలిండర్ల సరఫరాను ప్రభుత్వం పెంచింది. కేవలం గుర్తింపు కార్డు చూపించి వీటిని ఏజెన్సీల నుంచి పొందవచ్చు. ఇందుకోసం హెచ్పీసీఎల్ అవుట్లెట్లలో 11 సహాయ కేంద్రాలను ఏర్పాటు చేశారు. సిలిండర్ల అక్రమ రవాణా, బ్లాక్ మార్కెటింగ్ను అరికట్టేందుకు ప్రభుత్వం ప్రత్యేక కంట్రోల్ రూమ్ను ఏర్పాటు చేసింది. ఇప్పటికే ఢిల్లీ పోలీసులు 17 ప్రాంతాల్లో దాడులు నిర్వహించగా, ఆహార సరఫరా శాఖ 76 గ్యాస్ ఏజెన్సీలలో తనిఖీలు చేపట్టింది. ప్రజలు వదంతులను నమ్మవద్దని, అధికారిక వ్యవస్థ ద్వారానే సిలిండర్లు పొందాలని ప్రభుత్వం కోరింది.
మరిన్ని వీడియోల కోసం ఇక్కడ క్లిక్ చేయండి
Also Watch:
పోరాటాల పురిటిగడ్డపై సరికొత్త ఉద్యమం !!
చేపల కోసం వల వేస్తే చిక్కింది చూసి జాలరి షాక్
సైకిల్పై ఎవరెస్ట్ బేస్ క్యాంప్కు చేరి.. చరిత్ర సృష్టించిన టీచర్