Breaking News
  • దేశంలో కరోనా వైర‌స్ వీర‌విహారం చేస్తోంది. రోజురోజుకూ కేసులు సంఖ్య‌తో పాటు, మరణాల సంఖ్య కూడా ప్ర‌మాద‌క‌ర రీతిలో పెరుగుతోంది. కొత్తగా 22 వేల 771 మంది వైరస్​ సోకింది. మరో 442 మంది క‌రోనా కార‌ణంగా ప్రాణాలు విడిచారు. ఈ మేరకు కేంద్ర ఆరోగ్య మంత్రిత్వ శాఖ తాజా వివ‌రాలు వెల్లడించింది. దేశంలో మొత్తం పాజిటివ్ కేసుల సంఖ్య 6,48,315. ప్ర‌స్తుతం యాక్టీవ్ కేసులు 2,35,433. వ్యాధి బారి నుంచి కోలుకున్న‌వారు 3,94,227. క‌రోనాతో మొత్తం ప్రాణాలు విడిచినవారి సంఖ్య 18,655.
  • చెన్నై నగరంలో మరికొన్ని ఆంక్షల సడలింపు. ఉ. 6.00 నుంచి రాత్రి 9.00 వరకు హోటళ్లు (పార్సిల్ సర్వీసు మాత్రమే). రాత్రి 9.00 వరకు మాత్రమే హోం డెలివరీ ఉ. 6.00 నుంచి సా. 6.00 వరకు టీ స్టాళ్లకు అనుమతి. కిరాణా షాపులు, కూరగాయల దుకాణాలు ఉ. 6 నుంచి సా. 6 వరకు. మాల్స్ మినహా మిగతా దుకాణాలు ఉ. 10 నుంచి సా. 6 వరకు. సడలింపులు జులై 6 నుంచి అమలు.
  • విశాఖ: కేజీహెచ్ సూపరెంటెండెంట్ డాక్టర్ అర్జున. క్లినకల్ ట్రయల్స్ కు కేజీహెచ్ ను ఎంపిక చేసునట్టు ఐసీఎంఆర్ నుంచి మెయిల్ వచ్చింది. క్లినికల్ ట్రయల్స్ కోసం ప్రభుత్వ అనుమతి కోరాం. డ్రగ్ కంట్రోల్ జనరల్ ఆఫ్ ఇండియా - డీసీజీఐ క్లియరెన్స్ రావాల్సి ఉంది. ఎథిక్స్ కమిటీ విధివిధానాలు తరువాత కార్యకలాపాలు ప్రారంభిస్తాం. అన్ని క్లియరెన్స్ లు పూర్తయ్యేందుకు 3 రోజుల సమయం పట్టే అవకాశముంది. ఆ తరువాత కేజీహెచ్ లో క్లినికల్ ట్రయల్స్ ప్రారంభిస్తాం.
  • కరోనా భయాన్ని క్యాష్ చేసుకుంటున్న వ్యాపారులు.. ఐసోలేషన్ సెంటర్లుగా మారిన బ్యూటీ పార్లర్లు. నిబంధనలను తుంగలో తొక్కి కోవిడ్ రోగులకు గదులు అద్దెకు ఇస్తున్న వైనం. ఎలాంటి జాగ్రత్తలు లేకుండా పాజిటివ్ వచ్చిన వ్యక్తులకు గదులు అద్దెకు. జూబ్లీహిల్స్ రోడ్ నెంబర్ 5లోని colours బ్యూటీ స్టూడియోలో కరోనా పాజిటివ్ వ్యక్తులకు అశ్రయం. రోజుకు రూ.10వేల ఫీజు.. వసూలు..గుట్టు చప్పుడు కాకుండా అక్రమ దందా.
  • REC, ఫైనాన్స్ కార్పొరేషన్ ల నుంచి 12600 కోట్ల రూపాయలు అప్పు తీసుకునేందుకు రాష్ట్ర విద్యుత్ సంస్థలకు గ్యారెంటీ ఇచ్చిన తెలంగాణ రాష్ట్ర సర్కార్. అప్పుల్లో కూరుకుపోయిన డిస్కమ్ లకు ప్రభుత్వ అనుమతితో ఊరట.
  • టీవీ9 తో సిసిఎంబి డైరెక్టర్ రాకేష్ మిశ్రా. తెలంగాణలో వైరస్ సమూల మార్పుని చోటుచేసుకుంటున్నాయి . ఇప్పటి వరకు తెలంగాణలో సింటమ్స్ కనిపించే a3i (ఏత్రీఐ) వైరస్ ఉండేది. ఇప్పుడు ఎలాంటి లక్షణాలు కనిపించని a2a (ఏటుఏ) వైర్ 90శాతం విస్తరించింది. కరోనా మృత దేహాల నుంచి వైరస్ వ్యాప్తి విషయంలో ఆందోళన వద్దు. డెడ్ బాడీస్ నుంచి వచ్చే వైరస్ వ్యాప్తి చెందే అవకాశాలు చాలా తక్కువ. కరోనా వైరస్ ప్రభావం కేవలం ఊపిరితిత్తుల మీదేకాదు మిగిలిన అవయవాల పైనా ఉంది. చేస్తున్న టెస్టులకు పది రెట్లు అధికంగా చేయాల్సిన అవసరం ఉంది. ఆర్ టి పి సి ఆర్ టెస్ట్ ల విధానం సిసిఎంబీలో అభివ`ద్ధి చేశాం. ఆర్ టి పి సి ఆర్ టెస్ట్ ల పద్ధతి లో టెస్టింగ్ సమయంలో సగం ఆదా అవుతుంది. ఈ పద్దతిలో రోజుకి 500 టస్ట్లు చేసే చోట 1500 నుంచి 2000 వరకు చేయవచ్చు.
  • హైదరాబాద్ హిమాయత్ నగర్ లో కరోనా కలకలం. డైమండ్ వ్యాపారి పుట్టిన రోజు వేడుకల్లో వ్యాపించిన కరోనా. వేడుకల్లో పాల్గొన్న 20 మందికి కరోనా పాజిటివ్ . బర్త్ డే వేడుకల్లో పాల్గొన్న సుమారు 150 మంది వ్యాపారులు , రాజకీయ నాయకులు . ఫంక్షన్ లో పాల్గొన్న ఒకరు చనిపోవడంతో మరింత ఆందోళనలు . ఈ వేడుకల్లో పాల్గొన్న ఇద్దరు రాజకీయ నాయకులకు సైతం సోకిన కరోనా

కేంద్రంతో ఢీ.. పార్లమెంట్ సమావేశాలకు టీఆర్ఎస్ ఎంపీలు రెడీ

TRS plans to fight for demands during Parliament Winter session, కేంద్రంతో ఢీ.. పార్లమెంట్ సమావేశాలకు టీఆర్ఎస్ ఎంపీలు రెడీ

సోమవారం నుంచి పార్లమెంట్ శీతాకాల సమావేశాలు ప్రారంభం కానున్నాయి. ఈ క్రమంలో పార్లమెంట్‌లో అనుసరించాల్సిన వ్యూహ ప్రతివ్యూహాలపై అయా పార్టీలు పదునుపెడుతున్నాయి. ఈ నేపథ్యంలో టీఆర్ఎస్ కూడా పార్లమెంట్‌ సమావేశాల్లో చర్చించాల్సిన అంశాలపై శుక్రవారం సమీక్ష సమావేశం చేపట్టింది. టీఆర్‌ఎస్ పార్టీ కార్యనిర్వాహక అధ్యక్షుడు, మంత్రి కేటీఆర్ అధ్యక్షతన తెలంగాణ భవన్‌లో టీఆర్‌ఎస్ పార్లమెంటరీ పార్టీ సమావేశం జరిగింది. ఈ సమావేశానికి పార్టీ లోక్‌సభ, రాజ్యసభ సభ్యులు హాజరయ్యారు. సోమవారం నుంచి జరిగే పార్లమెంట్ సమావేశాల్లో కేంద్రాన్ని నిలదీసేందుకు సిద్ధమైంది. ఇప్పటి వరకు రాష్ట్రానికి సంబంధించిన వివిధ అంశాలపై సీఎం కేసీఆర్.. కేంద్ర ప్రభుత్వానికి ఇచ్చిన వినతులపై ఈ సమావేశాల్లో కేంద్రాన్ని నిలదీయాలని టీఆర్‌ఎస్ వర్కింగ్ ప్రెసిడెంట్ కేటీఆర్ పార్టీ ఎంపీలకు సూచించారు.

హామీలపై నిలదీయండి..

విభజన చట్టంలో పేర్కొన్న హామీలు, పెండింగ్ అంశాలను సభలో లేవనెత్తాలన్నారు. రాష్ట్రం ఏర్పడిన నాటినుంచి నేటివరకు అనేకమార్లు ప్రధానమంత్రి సహా అనేకమంది కేంద్రమంత్రులు, అధికారులకు పలు అంశాలపై వినతిపత్రాలు ఇచ్చామని, అవి ఇంకా కార్యరూపం దాల్చడంలేదన్నారు. ఈ అన్ని అంశాలపై కేంద్ర ప్రభుత్వాన్ని ప్రశ్నించాల్సిన అవసరం ఉందని.. రాష్ట్ర విభజన చట్టంలో పేర్కొన్న మేరకు ఏర్పాటు చేయాల్సిన.. బయ్యారం ఉక్కు కర్మాగారం, మిషన్ భగీరథకు కేంద్ర నిధులు, కాళేశ్వరం ప్రాజెక్టుకు జాతీయహోదా, ఐఐఎం లాంటి విద్యాసంస్థల ఏర్పాటు తదితర విజ్ఞప్తులను ఈ సమావేశాల్లో కేంద్ర మంత్రుల ద్వారా, పార్లమెంట్‌లో ఫాలోఅప్ చేయాలని ఎంపీలకు కేటీఆర్ సూచించారు. ఇక హైదరాబాద్ నగరంలో రోడ్డు ప్రాజెక్టుల కోసం రక్షణ భూముల బదలాయింపు వంటి తక్షణ అవసరమైన అంశాలపై ఎంపీలు పనిచేయాలని కోరారు.

ఆర్టీసీ సమ్మెపై బీజేపీ ప్రస్తావిస్తే..

అయితే గతంలో తెలంగాణ ప్రభుత్వం చేసిన పలు విజ్ఞప్తులకు.. కేంద్ర మంత్రులు హామీ ఇచ్చారన్నారు. కానీ ఆ అంశాలన్నీ ఇంకా పెండింగ్‌లో ఉన్నాయని.. వాటన్నింటిని ఎంపీలు ఫాలోఅప్ చేయాలన్నారు. పార్లమెంట్‌లో అంశాలవారీగా టీఆర్‌ఎస్ వైఖరి ఉంటుందని, అంతిమంగా తెలంగాణ రాష్ట్ర ప్రయోజనాలే ముఖ్యంగా పార్టీ నిర్ణయం ఉంటుందన్నారు కేటీఆర్. ఇక రాష్ట్రంలో కొనసాగుతున్న ఆర్టీసీ సమ్మె అంశంపై పార్లమెంట్‌లో బీజేపీ ఎంపీలు ప్రస్తావిస్తే.. సమర్థవంతంగా తిప్పికొట్టాలని ఎంపీలకు కేటీఆర్ దిశానిర్ధేశం చేశారు. కేంద్ర ప్రభుత్వరంగ సంస్థల విషయంలో బీజేపీ వైఖరి, బీజేపీ పాలిస్తున్న రాష్ట్రాల్లో ఆర్టీసీల పరిస్థితిపై ప్రస్తావించాలన్నారు. ఇక ఇటీవల కేంద్రం తీసుకొచ్చిన మోటర్ వెహికిల్ చట్టం గురించి కూడా మాట్లాడాలన్నారు.

Related Tags