Viral Video: గోడ నుంచి మహిళ అరుపులు.. తీరా చూసి ఖంగుతిన్న అధికారులు.!

ప్రపంచంలో తరచుగా వింత సంఘటనలు జరుగుతుంటాయి. చాలా సందర్భాల్లో అవి అకస్మాత్తుగా తలెత్తుతాయి. వాటిని కళ్లారా చూస్తే త‌ప్ప నమ్మడం కష్టంగా ఉంటుంది. అలాంటి ఓ సంఘటన గురించి ఇప్పుడు తెలుసుకుందాం. ఓ మహిళ రెండు బిల్డింగ్‌ల మధ్య ఉన్న 8 అంగుళాల స్థలంలో ఇరుక్కుని నరకయాతన అనుభవించింది. మహిళను అగ్నిమాపక సిబ్బంది రక్షించినప్పుడు.. ఆమె పరిస్థితి చూసి స్థానికులు షాక్‌కు గురయ్యారు. ఈ ఘటన అమెరికాలోని కాలిఫోర్నియాలో చోటు చేసుకుంది. ఆ వివరాలు ఇలా ఉన్నాయి.

కాలిఫోర్నియాలోని హార్బర్ బౌలేవార్డ్ రోడ్డులో ఉన్న కార్ స్టీరియో స్టోర్, అటో షాప్ గోడల మధ్య ఓ మహిళ చిక్కుకుంది. ఎప్పటిలానే యధాలాపంగా తమ పనిలో నిమగ్నమైన ఉద్యోగులకు.. సరిగ్గా మధ్యాహ్నం రెండు గంటలకు సమయంలో గోడ నుంచి వింత శబ్దాలు రావడం వినిపించాయి. తీక్షణంగా వింటే.. అవి ఓ మహిళ ఆర్తనాదాలుగా నిర్ధారణకు వచ్చారు. దీనితో వెంటనే పోలీసులకు విషయాన్ని తెలియజేశారు.

కాగా, పోలీసులు సంఘటనాస్థలానికి చేరుకొని కార్ స్టీరియో షాప్ టెర్రాస్‌పై నుంచి చూడగా.. ఆ మధ్య స్థలంలో ఓ మహిళ నగ్నంగా ఉన్నట్లు గుర్తించారు. ఆమె తీవ్రమైన నొప్పితో బాధపడుతుండగా.. తక్షణమే రెస్క్యూ టీమ్, అగ్నిమాపక సిబ్బందికి సమాచారాన్ని అందించారు.

సుమారు రెండున్నర గంటల రెస్క్యూ ఆపరేషన్ అనంతరం ఆ మహిళను సురక్షితంగా గోడ నుంచి బయటికి తీశారు. అసలు ఆమె ఎందుకు గోడలో చిక్కుకుందో.? నగ్నంగా ఉండడానికి రీజన్ ఏంటి.? ప్రస్తుతం ఆమె పరిస్థితి ఎలా ఉంది.? అన్న విషయాలు ఇంకా మిస్టరీగానే ఉన్నాయి. ఈ ఘటనపై పోలీసులు దర్యాప్తు కొనసాగిస్తున్నారు.

Also Read:

జోరువానలో కల్లాపి చల్లుతున్న యువతి.. వీడియో చూస్తే అస్సలు నవ్వాపుకోలేరు.!

తెలంగాణ ప్రజలకు గుడ్ న్యూస్.. కొత్త రేషన్‌కార్డుల పంపిణీకి తేదీ ఖరారు..