Watch Video: అర్థరాత్రి ఒంటరిగా అమ్మాయి.. బైక్‌పై వచ్చిన ఇద్దరు కుర్రాళ్లు.. నెక్ట్స్ సీన్ చూస్తే ఫ్యూజులు ఔటే..!

Viral Video

అమ్మాయిలు రాత్రివేళ ఒంటరిగా బయటకెళ్లాలంటే.. సవాలక్ష సమస్యలుంటాయి. ముఖ్యంగా మనుషుల రూపంలో ఉన్న రూపంలో ఉన్న కొందరు మృగాళ్లు.. ఎక్కడ దాడి చేస్తారో అనే భయం ఎక్కువగా ఉంటుంది. పసి పిల్లలు మొదలు.. పండు ముసలి వాళ్లపై అఘాయిత్యాలకు పాల్పడి నీచాది నీచులకు మన సమాజంలో కొదవే లేదు. ఈ నేపథ్యంలో మహిళల భద్రత కోసం ప్రభుత్వాలు ఎన్ని చర్యలు తీసుకుంటున్నప్పటికీ.. ఎక్కడో చోట అత్యాచారాలు, హత్యాచారాలు వంటి ఘోరమైన ఘటనలు వెలుగు చూస్తూనే ఉన్నాయి. అందుకే మహిళలు, అమ్మాయిలు బయటకు వెళ్లినప్పుడు చాలా జాగ్రత్తంగా ఉండాలని సూచిస్తుంటారు. అబలగా కాదు.. సబలగా ఉండాలని ధైర్యాన్ని ఇస్తుంటారు. తాజాగా ఓ అమ్మాయి ధైర్యానికి నిదర్శనమైన వీడియో ఒకటి సోషల్ మీడియాలో వైరల్ అవుతోంది.

వైరల్ అవుతున్న ఈ వీడియోలో ఓ అమ్మాయి రాత్రి వేళ ఫుట్‌పాత్ వెంట నడుచుకుంటూ వెళ్తోంది. ఇంతలో అటువైపు నుంచి ఇద్దరు యువకులు బైక్‌పై ఆ యువతి వద్దకు వచ్చారు. మరి తనకు ప్రమాదం పొంచి ఉందనుకుందో ఏమో గానీ.. తన వద్ద ఉన్న తుపాకీ తీసుకుని ఇద్దరు యువకులపై క్షణకాలం కూడా ఆగకుండా కాల్పులు జరిపింది. ఈ కాల్పుల్లో ఇద్దరు యువకులూ తీవ్రంగా గాయపడ్డారు. ఇద్దరూ ప్రాణం భయంతో పరుగులు తీసినప్పటికీ.. బుల్లెట్ గాయాలతో కొంత దూరం వెళ్లాక నేలకూలారు. ఇదంతా అక్కడే ఉన్న సీసీ కెమెరాలో రికార్డ్ అవ్వగా.. ఇప్పుడు ఆ వీడియో వైరల్ అవుతోంది.

మరిన్ని ట్రెండింగ్ వార్తల కోసం ఈ లింక్ క్లిక్ చేయండి..