Viral Video: బతికితే ఈ గేదెలా బతకాలి.. సింహాల మందపైకి దూసుకెళ్లింది..
సోషల్ మీడియాలో జంతువుల ఫైట్‌కు సంబంధించిన వీడియోలు నిత్యం వైరల్ అవుతూ ఉంటాయి. ఇలాంటి వీడియోలు కొన్నిసార్లు నివ్వెరపరుస్తూ ఉంటాయి. అయితే తాజాగా ఓ గేదె సింహాల మందపైకి ఫైటింగ్‌కి వెళ్లింది.
అడవిలో సింహాలు ఎంత క్రూరంగా ప్రవర్తిస్తాయో చెప్పాల్సిన పనిలేదు. అవి.. అడవి మొత్తాన్ని తమ రాజ్యంగా భావించి.. దర్పం ప్రదర్శిస్తాయి. ఏ జంతువును అయినా వేటాడి ఆహారంగా మార్చుకోగలవు. ఒక్క సింహం అటాక్ చేస్తేనే మరో జీవికి దిక్కు ఉండదు. దానికి లొంగిపోయి ఆహారంగా మారిపోవాల్సిందే. అలాంటిది సింహాల మందపైనే ఫైటింగ్‌కి వెళ్లింది ఓ గేదె. తన సహచర గేదెను కాపాడుకునేందుకు లైఫ్‌నే రిస్క్ చేసింది. అవును.. ఆల్రెడీ.. ఒక గేదెను వేటాడి.. బంధించాయి సింహాలు. ఇలాంటి సమయంలో మందగా ఉన్న గేదెలు అటాక్ చేస్తే.. బంధీగా ఉన్నదాన్ని బ్రతికించుకునేందుకు అవకాశం ఉంటుంది. కానీ ఓ గేదె సింగిల్‌గానే వాటిపైకి పోరాటానికి దిగి.. సహచర గేదెను కాపాడింది. ఈ వీడియో ప్రస్తుతం వైరల్‌గా మారింది.
వీడియో దిగువన చూడండి….
వైరల్ అవుతున్న వీడియోలో, ఒక గేదెను సింహాలు బంధించి.. ఆహారంగా మార్చేందుకు యత్నిస్తున్నాయి. ఈ క్రమంలో మరో గేదె అక్కడికి వచ్చింది. మందగా ఉన్న సింహాలను భయపెట్టి.. బంధించిన గేదెకు విముక్తి కల్పించింది. అయితే సింహాలు కోపంతో.. వాటి చుట్టారా తిరిగాయి. ఈ వీడియో క్లిప్ అంతటితో ఎండ్ అయింది. తర్వాత ఏం జరిగింది అనే విషయంపై మాత్రం క్లారిటీ లేదు. ఏది ఏమైనా ప్రాణాలకు తెగించి.. గుండె బలంతో సహచర గేదెను కాపాడేందుకు ఆ గేదె చేసిన ప్రయత్నాన్ని అభినందించాల్సిందే. వీడియోపై మీ అభిప్రాయం కూడా తెలియజేయండి.
మరిన్ని ట్రెండింగ్ వార్తల కోసం క్లిక్ చేయండి..