Mumbai local: ముంబై లోకల్ ట్రైన్లో సల్లూభాయ్ సందడి.. ! డ్యాన్స్‌తో ప్రయాణికుల్ని అదరగొట్టేశాడు.. ట్విస్ట్‌ ఏంటంటే..?

Mumbai Local

బాలీవుడ్ సూపర్ స్టార్ సల్మాన్ ఖాన్‌ ముంబై లోకల్ ట్రైన్లో ప్రయాణించిన వీడియో ఒకటి ఇంటర్‌నెట్‌లో హల్‌చల్‌ చేస్తోంది. సల్లూ భాయ్‌ లోకల్‌ ట్రైన్‌లో ప్రయాణించడమే కాదు..అదిరిపోయే స్టెప్పులతో డ్యాన్స్‌ చేస్తూ అందరినీ అదరగొట్టెశాడు..బాలీవుడ్ పాపులర్ సాంగ్స్కు తనదైన స్టైల్లో డ్యాన్స్ చేశాడు సల్మాన్‌ఖాన్‌. తన డ్యాన్స్ స్కిల్స్‌తో సల్మాన్ అభిమానులను ఆకట్టుకునేలా కనిపించింది ఆ వీడియో. ఇక సోషల్‌ మీడియా అన్ని ప్లాట్‌ఫామ్‌లలో ప్రస్తుతం సల్మాన్ ఖాన్ డ్యాన్స్ వీడియో వైరల్ అయింది. ఇక వీడియో చూసిన నెటిజన్లు, సల్మాన్‌ ఖాన్ అభిమానులు ఎంతో ఆశ్చర్యపోయారు. నిజంగానే సల్మాన్‌ఖాన్‌ ముంబై లోకల్‌ ట్రైన్‌ ఎక్కడా..? పైగా లోకల్‌ ట్రైన్‌లో సల్మాన్‌ఖాన్‌ డ్యాన్స్‌ చేశాడా..? ఇదంతా నిజమేనా అంటూ అభిమానులు తెగ వెతికేస్తున్నారు. ఇంతకీ వీడియోలో ఏముందే మీరే చూడండి..

చూశారుగా, వైరల్‌ వీడియోలో ట్విస్ట్ ఏంటో ఇప్పటికే అర్థమైదనుకుంటా..? లోకల్ ట్రైన్ లో డ్యాన్స్ చేసింది నిజమైన సల్మాన్ ఖాన్ కాదు.. సల్లూభాయ్‌ డూప్. అచ్చం సల్మాన్ ను పోలిన ఓ వ్యక్తి.. ముంబై లోకల్ ట్రైన్ లో రెచ్చిపోయి డ్యాన్స్ చేస్తూ హల్ చల్ చేశాడు. అచ్చం సల్మాన్ ఖాన్ లాగే హావభావాలు ప్రదర్శిస్తూ హంగామా చేశాడు. తన టాలెంట్‌నంతా బయటపెట్టి అచ్చం సల్మాన్ ఖాన్‌ను డ్యాన్స్‌ చేస్తున్నట్టుగా తన స్టెప్పులతో డ్యాన్స్‌ ఇరగదీశాడు. అతడి స్టైల్‌ చూసి రైల్లోని ప్రయాణికులు, అభిమానులు కాసేపు గుర్తు పట్టలేకపోయారు. నిజంగానే సల్మాన్‌ఖాన్‌ వచ్చి తమ ముందు డ్యాన్స్‌ చేస్తున్నాడని సందేహపడ్డారు చాలా మంది.

ఈ వీడియోను ముంబైకి చెందిన ఒక పేజీ Xలో భాగస్వామ్యం చేశారు. “#MumbaiLocal రైలులో ప్రయాణం ఎప్పుడూ ఆశ్చర్యకరంగానే ఉంటుంది.. అనే క్యాప్షన్‌తో వీడియోను పోస్ట్‌ చేశారు. ఇక వీడియో చూసిన చాలా మంది నెటిజన్లు దీనిపై స్పందించారు. తమ దైన స్టైల్లో కామెంట్లు చేస్తున్నారు.

ఇదిలా ఉంటే, ముంబయి లోకల్ రైళ్లలో ప్రయాణిస్తున్నప్పుడు స్టంట్స్, డ్యాన్స్ రీల్స్‌ వంటివి చేయకూడదంటూ.. రైల్వే అధికారులు ప్రజలను కోరినప్పటికీ, సల్మాన్ ఖాన్ లుక్‌కి సంబంధించిన వీడియో షుట్‌ జరిగింది. పైగా సోషల్ మీడియాలో కూడా షేర్ చేశారు. మొన్నటికి మొన్న రైలు కోచ్‌లో ఓ యువతి చేసిన బెల్లీ డ్యాన్స్ వీడియోపై రైల్వే అధికారులు కఠినంగా వ్యవహరించారు. ఆమె చర్యను ఖండించారు. ఇది సరికాదని, ప్రయాణికులను అసౌకర్యానికి గురిచేలా ఇలాంటి పనులు చేయరాదంటూ ముంబై రైల్వే అధికారులు పేర్కొన్నారు. దీనితో సెంట్రల్ రైల్వేస్ ముంబై డివిజనల్ రైల్వే మేనేజర్ (DRM) ప్రజా రవాణాలో ఇటువంటి కార్యకలాపాలను నివారించాలని ప్రయాణికులకు విజ్ఞప్తి చేశారు.

మరిన్ని ట్రెండింగ్ న్యూస్ కోసం క్లిక్ చేయండి..