Viral Video: నడిరోడ్డుపై నానా యాగీ చేసిన కుక్క.. ‘బద్దక రత్న’ అవార్డ్ ఇచ్చేయొచ్చు.. వీడియో చూసి ఎంజాయ్ చేయండి..!

Viral Video: కుక్క పేరు ప్రస్తావిస్తే.. విశ్వాసానికి మారుపేరు, ప్రేమకు ప్రతిరూపం అని చెబుతుంటారు. పెంపుడు కుక్కలు తమ యజమాని పట్ల ఎనలేని ప్రేమాభినాలు చూపుతాయి. వారి పట్ల విధేయత కనబరుస్తాయి.

Dog

Shiva Prajapati |

Updated on: Mar 29, 2022 | 7:00 AM

Viral Video: కుక్క పేరు ప్రస్తావిస్తే.. విశ్వాసానికి మారుపేరు, ప్రేమకు ప్రతిరూపం అని చెబుతుంటారు. పెంపుడు కుక్కలు తమ యజమాని పట్ల ఎనలేని ప్రేమాభినాలు చూపుతాయి. వారి పట్ల విధేయత కనబరుస్తాయి. వారు ఏం చెబితే అది చేసిపెడతాయి. వారితో గేమ్స్ ఆడుతాయి, సరదాగా పోట్లాడుతాయి.. వారి ప్రతి చర్యలో పాల్గొని ఔరా అనిపిస్తాయి. కానీ, కొన్ని కుక్కులు ఉంటాయి.. బాబోయ్ ఇదేంట్రా ఇలా తయారైంది అని విసుగు తెప్పిస్తాయి. వాటికి కోపం వచ్చినా కష్టమే.. అలక వచ్చినా కష్టమే. వాటికి నచ్చని పని చేసినా కష్టమే అన్నట్లు ఉంటుంది ఆ కుక్కల వ్యవహారం. ఇంకొన్ని కుక్కలైతే.. బద్దకంగా వ్యవహరిస్తాయి. తాజాగా ఇలాంటి కోవకే చెందిన ఓ కుక్కకు సంబంధించిన వీడియో సోషల్ మీడియాలో తెగ వైరల్ అవుతోంది. ఆ కుక్క ప్రవర్తించిన తీరు నవ్వు తెప్పిస్తోంది. ఈ వీడియోను చూసి నెటిజన్లు ఫుల్లుగా నవ్వుకుంటున్నారు.

ఇంతకీ ఆ వీడియోలో ఏముందో ఒకసారి లుక్కేద్దాం.. కొంతమంది వ్యక్తులు తాము ఎక్కిడికి వెళ్లినా తమ వెంట తమ పెంపుడు జంతువులను తీసుకెళ్తుంటారు. మరీ ముఖ్యంగా పెంపుడు కుక్కల గురించి ఎక్కువగా చెప్పుకోవచ్చు. తాజాగా ఓ అమ్మాయి కూడా తన పెంపుడు కుక్కను సరదాగా బయటకు తీసుకెళ్లింది. మొదట బాగానే ఫాలో అయిన కుక్క.. మధ్యలోకి వెళ్లగానే ఏమైందో ఏమో ఒక్కసారిగా మొండికేసింది. ముందుకు కదలనంటే కదలనంటూ మారాం చేసింది. ఆ యువతి పాపం కుక్కను ముందుకు తీసుకెళ్లేందుకు నానా తంటాలు పడింది. అయినా కనుకరించని కుక్క.. కాళ్లపై పడుకుంది. ఇక చేసేది లేక ఆ యువతి కుక్కను బలవంతంగా లాక్కెళ్లే ప్రయత్నం చేసింది. అయితే, ఈ సీన్‌ను పక్కనే ఉన్నవారు తమ కెమెరాలో రికార్డ్ చేసి సోషల్ మీడియాలో పోస్ట్ చేశారు. దాంతో ఆ వీడియో కాస్తా వైరల్‌గా మారింది. కుక్క చేసిన అల్లరికి నెటిజన్లు అంతా కడుపుబ్బా నవ్వుకుంటున్నారు. ఇదేం కుక్క రా బాబూ మరీ ఇంత బద్దకిస్తుంది అంటూ ఫన్నీ కామెంట్స్ చేస్తున్నారు. ఈ వీడియోను ఇన్‌స్టాగ్రమ్‌లో షేర్ చేయగా.. ఇప్పటి వరకు 17 వేలకు పైగా వ్యూస్ వచ్చాయి. వందలాది మంది లైక్స్ కొడుతున్నారు.