Viral News: వాన కురుస్తుందా..? ఎండ కాస్తుందా..? వాతావరణ పరిస్థితిని ఈ కొబ్బరికాయ చెప్తుంది..!
Viral News: మహీంద్రా అండ్ మహీంద్ర చైర్మన్ ఆనంద్ మహీంద్రా ఫన్నీ పోస్ట్తో నెట్లో నవ్వులు పూయించారు. వాతావరణ మార్పులతో..
Viral News: మహీంద్రా అండ్ మహీంద్ర చైర్మన్ ఆనంద్ మహీంద్రా ఫన్నీ పోస్ట్తో నెట్లో నవ్వులు పూయించారు. వాతావరణ మార్పులతో వెదర్ రిపోర్ట్ అస్తవ్యస్తంగా ఉంటోంది. భవిష్యత్లో వాతావరణాన్ని అంచనా వేసే ఏకైక విధానం కొబ్బరికాయ అంటూ పోస్ట్ చేశారు. ఆయన పోస్ట్ చేసిన పిక్లో, వెదర్ స్టేషన్ టైటిల్ ఉన్న బోర్డుకు ఒక కొబ్బరికాయ వేలాడుతోంది. కొబ్బరికాయ పొజిషన్ను బట్టి బోర్డులో వాతావరణ పరిస్థితుల పట్టీని రాశారు. ఇక బోర్డులో చెప్పిన దాన్ని బట్టీ.. కొబ్బరికాయ కదులుతూ ఉంటే.. గాలి జోరుగా ఉందని అర్థం. కొబ్బరికాయ కదలకుండా ఉంటే.. వాతావరణం ప్రశాంతంగా ఉందని అర్థం. కొబ్బరికాయ తడిసి ఉంటే.. వర్షం పడుతోందని, కొబ్బరికాయ తెల్లగా ఉంటే.. మంచు కురుస్తోందని అర్థం. కొబ్బరికాయ కనిపించకపోతే.. పొగమంచు ఉందని అర్థం. కొబ్బరికాయ లేకపోతే.. అక్కడో హరికేన్ ఉందని అర్థం వచ్చేలా రాశారు. ఆనంద్ మహీంద్రా ట్వీట్కు నెటిజన్లు రకరకాల కామెంట్లు పెడుతున్నారు.
With Climate Change making weather patterns so unpredictable, this may well be the only reliable forecasting mechanism of the future… pic.twitter.com/X6rURV2E3C
— anand mahindra (@anandmahindra) May 4, 2022