ఓరీ దేవుడో.. ఈ బామ్మ క్షవర కళకు దండం పెట్టాల్సిందే..! కత్తితో హెయిర్కట్..
హెయిర్ కట్టింగ్కు సంబంధించిన ఒక వీడియో ఇంటర్నెట్లో తెగ వైరల్ అవుతోంది. అందులో ఒక వృద్ధురాలు అసాధారణమైన పద్ధతిలో ప్రజలకు జుట్టు కత్తిరిస్తోంది. కత్తెర లేదా ట్రిమ్మర్ వంటి పరికరాలను ఉపయోగించకుండా పదునైన కత్తి తో ఆమె చేస్తున్న హెయిర్ కట్టింగ్ చేస్తున్న అరుదైన వీడియో సోషల్ మీడియాలో వైరల్గా మారింది. సదరు వృద్ధురాలి నైపుణ్యాన్ని చూసి సోషల్ మీడియా వినియోగదారులు ఆశ్చర్యం వ్యక్తం చేస్తున్నారు.
ఈ రోజుల్లో హెయిర్కట్ చేసుకోవాలంటే ఆధునిక సెలూన్లు, పదునైన కత్తెరెలు, ఎలక్ట్రిక్ ట్రిమ్మర్లు అత్యవసరం. కానీ, అరుణాచల్ ప్రదేశ్కు చెందిన ఒక గిరిజన వృద్ధురాలు ఎలాంటి ఆధునిక పరికరాలు లేకుండా, తమ సాంప్రదాయ పదునైన కత్తితో జుట్టు కత్తిరిస్తున్న దృశ్యం ప్రస్తుతం సోషల్ మీడియాలో నెటిజన్లను ఆశ్చర్యంలో ముంచెత్తుతోంది.
ఏంటీ దావో సంస్కృతి?:
ఈశాన్య భారతదేశంలో, ముఖ్యంగా అరుణాచల్ ప్రదేశ్లోని వివిధ గిరిజన తెగలకు దావో అనేది కేవలం ఒక ఆయుధం మాత్రమే కాదు.. అది వారి దైనందిన జీవితంలో ఒక భాగం. చెట్లు నరకడానికి, వంటకాల్లో కూరగాయలు కోయడానికి, గృహోపయోగ పనులకు ఈ పెద్ద పదునైన కత్తిని ఉపయోగిస్తారు. అయితే, ఈ సాంప్రదాయ ఆయుధాన్ని జుట్టు కత్తిరించడానికి కూడా ఎంత అద్భుతంగా వాడొచ్చో సదరు వృద్ధురాలు నిరూపించింది.
క్షవర కళకు అద్దం పట్టే వైరల్ వీడియో:
వైరల్ అవుతున్న ఆ వీడియోలో, ఒక చెక్క దిమ్మె లేదా కలప ముక్కపై జుట్టును ఉంచి, మరో చేతితో బరువైన దావో కత్తితో ఎంతో నిశితంగా, ఖచ్చితత్వంతో దెబ్బలు కొడుతూ జుట్టును సమంగా కత్తిరించడం కనిపిస్తుంది. కొద్దిగా అటు ఇటైనా గాయాలయ్యే ప్రమాదం ఉన్నప్పటికీ, ఆ వృద్ధురాలు ఏమాత్రం తడబడకుండా, ఎంతో నైపుణ్యంతో ఒక ప్రొఫెషనల్ బార్బర్లా హెయిర్కట్ పూర్తి చేసింది.
నెటిజన్ల ఆశ్చర్యం.. ప్రాచీన సంస్కృతికి ప్రతీక:
ఆధునిక సౌకర్యాలు లేని కాలంలో ఈశాన్య గిరిజన తెగలు తమ పద్ధతులను ఎంత సమర్థవంతంగా మలచుకున్నారో అనడానికి ఈ వీడియో ఒక ఉదాహరణగా నిలుస్తోంది. ఈ వీడియో చూసిన నెటిజన్లు ఇది నిజమైన నైపుణ్యం అంటే!, ఆమె చేతుల్లో ఉన్న ధైర్యం, ఖచ్చితత్వం అభినందనీయం అంటూ ప్రశంసల వర్షం కురిపిస్తున్నారు. కాలం మారినా తమ పూర్వీకుల సంస్కృతిని, సామర్థ్యాన్ని కాపాడుకుంటున్న ఈశాన్య జీవన శైలికి ఈ సంఘటన అద్దం పడుతోంది.