Viral Video: చిన్నారిపై దారుణంగా దాడి చేసిన కోతి.. వీడియో చూస్తే దడ పుట్టాల్సిందే
సోషల్ మీడియాలో వైరల్ వీడియోలకు కొదవే లేదు. జంతువులు చేసే చిత్ర విచిత్రమైన పనులు నిత్యం సోషల్ మీడియాలో వైరల్ అవుతూ ఉంటాయి. అయితే జతువులు చేసే పనులు కొన్ని సార్లు నవ్వు తెపిస్తే మరికొన్ని సార్లు వణుకు పుట్టిస్తాయి..
Updated on: Jul 23, 2022 | 5:09 PM
సోషల్ మీడియాలో వైరల్ వీడియోల(Viral Video)కు కొదవే లేదు. జంతువులు చేసే చిత్ర విచిత్రమైన పనులు నిత్యం సోషల్ మీడియాలో వైరల్ అవుతూ ఉంటాయి. అయితే జతువులు చేసే పనులు కొన్ని సార్లు నవ్వు తెపిస్తే మరికొన్ని సార్లు వణుకు పుట్టిస్తాయి. చిన్న జంతువే కదా అని అనుకుంటే అవి ఏ క్షణాన ఎలా ప్రవర్తిస్తాయో చెప్పలేము. తాజాగా అలాంటి వీడియోనే ఒకటి సోషల్ మీడియాను షేక్ చేస్తోంది. ఈ వీడియో చూస్తే వెనులో వణుకు పుట్టకుండా ఉండదు. కోతులు నిత్యం మనకు తారసపడుతూనే ఉంటాయి. గ్రామాల్లో అయితే ఇళ్లమధ్యలోనే తిరుగుతూ కంటికి కనిపించిన ఆహారాన్ని ఎత్తుకుపోతుంటాయి. అయితే కొన్ని సార్లు కోతులు మనుషుల పై దాడి కూడా చేస్తూ ఉంటాయి. తాజాగా వైరల్ అవుతోన్న వీడియోలో ఓ కోతి చిన్నారి పై దారుణంగా దాడి చేసింది.
రష్యాలోని టెర్పిగోరివో గ్రామంలో జరిగింది ఈ సంఘటన.. ఇంటి బయట తన స్నేహితులతో కలిసి ఓ రెండేళ్ల చిన్నారి ఆడుకుంటూ ఉండగా అక్కడికి ఓ కోతి వచ్చింది. అయితే అది ఆ చిన్నారి పై ఉన్నట్టుండి దాడికి పాల్పడింది. అక్కడ ఓ నిచ్చెన పైకి ఎక్కుతోన్న చిన్నారి కాలును పట్టుకొని కిందికి లాగి పడేసింది. ఆ పై ఆ చిన్నారిని కింద పడేసి ఇష్టమొచ్చినట్టు లాగింది,కరిచింది. ఆ చిన్నారి అరుపులు విన్న తల్లిదండ్రులు బయటకు వచ్చి కోతిని తరిమేందుకు ప్రయత్నించారు. ముందుగా వచ్చిన చిన్నారి తల్లి ఆమెను ఎత్తుకున్నప్పటికీ ఆ కోతి దాడి చేయడం ఆపలేదు. ఆ తర్వాత చిన్నారి తండ్రి వచ్చి కోతిని తరిమే ప్రయత్నం చేసినా కూడా అది ఆగలేదు.. ఆ చిన్నారి పై దాడి చేస్తూనే ఉంది. ఇదంతా ఆ ప్రాంతంలో అమర్చిన సీసీటీవీలో రికార్డైన వీడియో ఇప్పుడు సోషల్ మీడియాలో వైరల్ అవుతోంది. ఈ వీడియో పై మీరూ ఓ లుక్కేయండి.
