Viral Video: రాకాసి బల్లిని అమాంతం మింగేసిన కింగ్ కోబ్రా.. ఒళ్లు గగుర్పొడిచే వీడియో!
మానిటర్ లిజార్డ్స్(రాకాసి బల్లులు) ఎంత భయంకరమైనవో ప్రత్యేకంగా చెప్పాల్సిన అవసరం లేదు. వీటికి ఆకలి వేస్తే..
మానిటర్ లిజార్డ్స్(రాకాసి బల్లులు) ఎంత భయంకరమైనవో ప్రత్యేకంగా చెప్పాల్సిన అవసరం లేదు. వీటికి ఆకలి వేస్తే.. ఎంతటి పెద్ద జంతువులనైనా అమాంతం మింగేసి తినేయగలవు. చూడటానికి భయానకంగా, జిగుప్స కలిగించేలా ఉండే ఈ జంతువులతో మరో ప్రిడేటర్ యుద్దానికి దిగితే.. అది వేరే లెవెల్‌లో ఉంటుంది. అవునండీ మీరు వినేది నిజమే.. కింగ్ కోబ్రా, రాకాసి బల్లి.. రెండూ ఒకదానితో ఒకటి తలబడ్డాయి.. అందుకు సంబంధించిన విజువల్స్ ప్రస్తుతం సోషల్ మీడియాలో వైరల్ అవుతున్నాయి.
వైరల్ వీడియో ప్రకారం.. ఓ రాకాసి బల్లిని కింగ్ కోబ్రా అమాంతం తన నోటితో మింగేస్తున్నట్లు మీరు చూడవచ్చు. ఈ రెండింటికి యుద్ధం ఎప్పుడు జరిగిందో తెలియదు గానీ.. రాకాసి బల్లి మాత్రం చివరికి ఆ యుద్ధంలో ఓడిపోయి.. కింగ్ కోబ్రాకు ఎరగా మారింది. దానికి సంబంధించిన విజువల్స్‌ను డేవిడ్ విరవాన్ అనే ఫోటోగ్రాఫర్ తన కెమెరాలో బంధించగా.. అవి కాస్తా ప్రస్తుతం ఇంటర్నెట్‌లో తెగ హల్చల్ చేస్తున్నాయి. లేట్ ఎందుకు మీరు కూడా ఆ వీడియోపై ఓ లుక్కేయండి. కాగా, ఈ వీడియోను సింగపూర్ జియోగ్రాఫిక్ అనే యూట్యూబ్ ఛానల్ అప్‌లోడ్ చేయగా.. ఇప్పటివరకు 25 వేలకు పైగా వ్యూస్ వచ్చాయి. చాలామంది నెటిజన్లు ఈ వీడియోను చూసి షాక్ కాగా.. కొంతమంది ఫోటోగ్రాఫర్ ప్రతిభను మెచ్చుకుంటున్నారు.
