Elephant Viral Video: ఖడ్గమృగంతో ఏనుగు ఒంటరి పోరాటం.. భీకర యుద్ధంలో చివరకు..
ప్రస్తుతం ఓ ఏనుగు, ఖడ్గమృగం మధ్య జరిగిన పోరుకు సంబంధించిన వీడియో సోషల్ మీడియాలో చర్చనీయాంశమైంది. ఒక రాత్రి సమయంలో జరిగిన ఈ ఉత్కంఠ పోరులో ఏనుగు ఖడ్గమృగంతో పోరాడుతున్న దృశ్యం కనిపించింది.
అడవి జంతువుల పోరాటాలకు సంబంధించిన వీడియోలు తరచుగా సోషల్ మీడియాలో వైరల్ అవుతున్నాయి. సింహాలు, చిరుతపులులు, ఏనుగుల మధ్య జరిగే పోరాట దృశ్యాలు ఇంటర్నెట్లో ట్రెండ్ అవుతున్నాయి. ఇప్పుడు ఇలాంటి వీడియో నెటిజన్ల దృష్టిని ఆకర్షిస్తోంది. ఈ వీడియో ఏనుగుకు సంబంధించినది. సాధారణంగా ఏనుగు సున్నితమైన జంతువు, కానీ, గజరాజుకు కోపం వస్తే మాత్రం బీభత్సం సృష్టిస్తుంది. ఎదురుగా ఉన్నది ఏదైనా సరే, భస్మం కావాల్సిందే. ప్రస్తుతం ఓ ఏనుగు, ఖడ్గమృగం మధ్య జరిగిన పోరుకు సంబంధించిన వీడియో సోషల్ మీడియాలో చర్చనీయాంశమైంది. ఒక రాత్రి సమయంలో జరిగిన ఈ ఉత్కంఠ పోరులో ఏనుగు ఖడ్గమృగంతో పోరాడుతున్న దృశ్యాన్ని చూడవచ్చు.
వైరల్గా మారిన వీడియోలో, ఏనుగు, ఖడ్గమృగం ఒకదానికొకటి ఎదురుగా ఉన్నాయి. ముందుగా ఒకదాని వైపు మరొకటి చూసుకుంటూ నిలబడ్డాయి. అంతలో ఖడ్గమృగం తన కొమ్ములను ఊపుతూ..ఏనుగును పోరాటానికి ఆహ్వానిస్తున్నట్టుగా చేసింది. ఏనుగువైపు మూర్ఖంగా చూసిన ఖడ్గమృగానికి ఊపిరి పీల్చుకోవడానికి కూడా సమయం లేకుండా చేసింది ఆ గజరాజు. భయంకరమైన ఏనుగు ఖడ్గమృగంపై దాడి చేసింది. ఏనుగు తన బలంతో ఖడ్గమృగాన్ని నేలపై పడేసింది. ఆ తర్వాత తన తొండంతో ఖడ్గమృగాన్ని చుట్టేసి ఎత్తి నేలకేసి కొట్టింది.
Fight for supremacy !!#SMForward pic.twitter.com/D7XnwzZtBo
— Saket Badola IFS (@Saket_Badola) June 6, 2023
ఈ వీడియోలో కనిపించే దృశ్యం మీరు సాధారణంగా మరెక్కడా చూసుండరు. ఈ వైరల్ వీడియోను ఇండియన్ ఫారెస్ట్ ఆఫీసర్ సాకేత్ బడోలా తన ట్విట్టర్ ఖాతాలో షేర్ చేశారు. కొన్ని సెకన్ల ఈ వీడియో సోషల్ మీడియాలో వైరల్ అవుతోంది. ఇప్పటివరకు ఈ వీడియోకు 464.9 k వీక్షణలు, చాలా లైక్లు, కామెంట్లు వచ్చాయి.
మరిన్ని ట్రెండింగ్ న్యూస్ కోసం క్లిక్ చేయండి