Viral Video: ఓర్నీ.. ఇదేం గెటప్‌ అక్క..! పెళ్లికూతురు హెయిర్‌స్టైల్‌కి నెటిజన్ల నోరూరుతోందిగా..

Crazy Hairdo

ప్రతి ఒక్కరూ తమ పెళ్లి రోజును ప్రత్యేకంగా జరుపుకోవాలని ఆశిస్తుంటారు. ఇక అమ్మాయిలతై అందంగా, గ్రాండ్‌గా కనిపించాలని కోరుకుంటారు. ఈ రోజుల్లో వధూవరులు తమ వివాహాలను వైవిధ్యంగా చేసుకోవడానికి ఎంతకైనా తెగిస్తారు. ఈ వధువు కూడా సరిగ్గా అదే చేయాలనుకుంది. కానీ, ఆమె ప్లాన్ అట్టర్‌ ప్లాప్‌ అయినట్లు కనిపిస్తోంది. హెయిర్‌స్టైలిస్ట్ వధువుకు అందమైన జడవేస్తున్న వీడియో ఇది. అయితే, సోషల్ మీడియాలో వైరల్ అవుతున్న ఈ జడను చూస్తే మాత్రం నెటిజన్లకు నోరు ఊరిపోతుందంటున్నారు..ఫన్నీ కామెంట్స్‌ హోరెత్తిస్తున్నారు. ఇదేం హెయిర్‌ స్టైల్‌రా బాబు అనుకుంటూ నెటిజన్లను తెగ నవ్వుకుంటున్నారు. ఇలాంటి హెయిర్ స్టైల్ ఇంతకు ముందు ఎక్కడా, ఎప్పుడూ చూసినట్లుగా లేదు. ఈ వీడియోను 5 మిలియన్లకు పైగా వీక్షించారు.

అవును, ఇంతకీ జడ చూస్తే నోరు ఊరటం ఏంటనే సందేహం కలిగింది కదా మీకు..? ఇప్పుడు వైరల్ అవుతున్న వీడియోలో, వధువు తన ప్రత్యేకమైన కేశాలంకరణను ప్రదర్శించింది. కిట్‌క్యాట్, 5స్టార్, ఫెర్రెరో రోచర్, మిల్కీ బార్ వంటి చాక్లెట్‌లతో ఆమె జడను అలంకరించారు. అవును, మీరు విన్నది నిజమే. పువ్వులతో అలంకరించాల్సిన జుట్టును మీరు తరచూ చూస్తూనే ఉంటారు. కానీ, ఇలాంటి ప్రత్యేకమైన కేశాలంకరణ మరెక్కడా చూసి ఉండరు..ఇది పూర్తిగా ప్రత్యేకమైనది. ఆమె జుట్టు మాత్రమే కాదు, ఆమె చెవిపోగులు, కాలి పట్టీలు, చెవి కమ్మలు, నెక్లెస్‌తో పాటు అన్ని ఆభరణాలు చాక్లెట్స్‌తో తయారు చేసినవే ఉన్నాయి.

న‌వ‌వ‌ధువు హెయిర్‌స్టైల్‌పై నెటిజ‌న్లు షాక్‌ అవుతున్నారు. ఇదేం ట్రెండ్ అండి బాబు.. అంటూ మండిపోతున్నారు..! సారీ…మీ హెయిర్‌స్టైల్ నాకు న‌చ్చ‌లేదని ఒకరు, ఇంట్లో ఆడుకుంటూ బాల్యంలో ఇలాంటి ప‌నులు చేశామ‌ంటూ మరొకరు కామెంట్‌ చేయగా, సీరియ‌స్‌గా ఇలాంటి ప‌నులు ఎప్పుడూ చేయ‌లేద‌ని మ‌రో యూజ‌ర్ కామెంట్ చేశారు. ఆమె మేకప్ బాగానే ఉంది. కానీ ఆమె హెయిర్‌ స్టైలే పిచ్చిగా ఉందంటూ మరో నెటిజన్ కామెంట్‌ చేశారు. మొత్తానికి వీడియో మాత్రం నెట్టింట తెగ సందడి చేస్తోంది. వీడియో చూసిన ప్రతి ఒక్కరూ స్పందిస్తున్నారు.

మరిన్ని ట్రెండింగ్ న్యూస్ కోసం ఇక్కడ క్లిక్ చేయండి..