Breaking News
  • భారత్‌లో కరోనా వైరస్ స్వైరవిహారం చేస్తోంది. రోజురోజుకూ రికార్డు స్థాయిలో కరోనా కేసులు నమోదవుతుండటం ప్రజలను ఆందోళన కలిగిస్తోంది. గడిచిన 24 గంటల్లో దేశంలో అత్యధికంగా 28,637 కరోనా కేసులు నమోదైనట్లు కేంద్ర ఆరోగ్య మంత్రిత్వ శాఖ తాజాగా హెల్త్ బులిటెన్ విడుదల చేసింది.
  • అమరావతి మండలం ముత్తాయపాలెం బ్యాంక్ ని మోసం చేసిన కేసులో ఉన్నతాధికారులు సీరియస్. బ్యాంకుకు తనఖా పెట్టిన భూమిని ఏవిధంగా ప్రభుత్వానికి విక్రయించారంటూ ఆరా తీస్తున్న అధికారులు. ఇప్పటికే ప్రారంభమయిన పోలీసు దర్యాప్తు.
  • విజయవాడ: ఆత్రేయపురం ప్రేమకథ సినిమా పేరుతో మోసం. చైతన్య క్రియేషన్ బ్యానర్ పై సినిమా అంటూ యువతులకు వల. అమరావతి శివక్షేత్రంలో సినిమా ప్రారంభం అంటూ రిబ్బన్ కటింగ్ చేసిన గుంటూరు జిల్లాకు చెందిన రెంవత్ బిక్షా . విజయవాడ, గుంటూరు జిల్లాకు చెందిన యువతులను హీరోయిన్లుగా చేస్తానంటూ చీటింగ్.
  • తిరుపతి.... డయిల్ యువర్ ఈఓ కార్యక్రమంలో టీటీడీ ఈఓ అనిల్ కుమార్ సింఘాల్.... శ్రీవారికి భక్తులు కానుకగా ఇచ్చే ప్రతి రూపాయి సద్వినియోగం చేసుకుంటాం. నిధులు దుర్వినియోగం కానీయం. నెలరోజుల్లో 16.73 కోట్లు శ్రీవారికి హుండీ ద్వారా ఆదాయం లభించింది.
  • ఆత్రేయపురం ప్రేమకథ దర్శకుడు దేవరాయ రమేష్ అలియాస్ రవితేజ అలియాస్ రావణ్ బిక్షూ. నేను ఎవరి దగ్గర డబ్బులు తీసుకోలేదు. డబ్బులు తీసుకున్నట్లు నిరూపించాలి. ఆధారాలు టివి9 కే అందించాలి. ఎటువంటి కేసులు ఎదుర్కోవటానికైనా సిద్దంగా ఉన్నా. నా దగ్గర స్ర్కిప్టు తీసుకెళ్ళిన కో డైరెక్టర్ భార్గవి నాపైనే ఆరోపణలు చేస్తోంది. హీరో, ఇతర ఆర్టిస్ట్ లతో ఫోన్ లో మాట్లాడిన రావణ్ భిక్షూ.
  • హైదరాబాద్ లో మాయమైన సండే సందడి. చాలా ఏరియా లలో కనిపిస్తున్న కర్ఫ్యూ వాతావరణం . షాపులు...మాల్స్ ..రెస్టారెంట్లు..తెరిచి ఉన్నా కన్పిపించని పబ్లిక్. ఆదివారం మార్కెట్ లలో సైతం అనంతం మాత్రం గానే కొనుగోలుదారు. కళ్లకు కట్టినట్టు కనిపిస్తున్న కరోనా భయం. ఇళ్లకే పరిమితం అవుతున్న జనం. హైదరాబాద్ లో పెరుగుతున్న అధిక కేసులతో ... అలర్ట్ అయిన పబ్లిక్.
  • నగరంలో మరొకసారి ఆక్సిజన్ సిలిండర్ల పట్టివేత. ముషీరాబాద్ లో 34 సిలెండర్లని ఆక్సిజన్ సిలిండర్ ను సీజ్ చేసిన అధికారులు. అనుమతులు లేకుండా సిలిండర్ విక్రయిస్తున్న బాబా ట్రేడర్స్. అధిక ధరకు సిలిండర్లను అమ్ముతున్న సర్దార్ ఖాన్ ను అరెస్టు చేసిన నార్త్ జోన్ టాస్క్ ఫోర్స్ అధికారులు.

టీడీపీకి రాజీనామా.. వైసీపీలో చేరేందుకు ముహూర్తం ఫిక్స్

Thota Trimurthulu quits TDP, టీడీపీకి రాజీనామా.. వైసీపీలో చేరేందుకు ముహూర్తం ఫిక్స్

గత కొన్ని రోజులుగా సాగుతున్న ప్రచారానికి తెరపడింది. తూర్పు గోదావరి జిల్లాకు చెందిన టీడీపీ నేత తోట త్రిమూర్తులు ఆ పార్టీకి గుడ్‌బై చెప్పారు. ఈ మేరకు తన రాజీనామా లేఖను అధిష్టానానికి పంపారు. అంతేకాదు ఈ నెల 18న వైసీపీలోకి చేరేందుకు ఆయన ముహూర్తం ఫిక్స్ చేసుకున్నారు. ఇవాళ రామచంద్రాపురంలో అనుచరులు, కార్యకర్తలతో సమావేశమైన ఆయన ఈ కీలక నిర్ణయాన్ని తీసుకున్నారు. ఈ సందర్భంగా తోట మాట్లాడుతూ.. తన నియోజకవర్గం అభివృద్ధికి చంద్రబాబు సరిగా స్పందించలేదని విమర్శించారు. నలుగురు ఎంపీలు బీజేపీలో చేరినా చంద్రబాబు ఏం మాట్లాడలేదని గుర్తు చేశారు. కాకినాడలో జరిగిన మీటింగ్‌లో ఎంతో మంది వస్తుంటారు, పోతుంటారని చంద్రబాబు చేసిన వ్యాఖ్యలు తనను బాధించాయని అన్నారు. ప్రజల అభివృద్ధికి టీడీపీని ఉపయోగించుకున్నానని.. అంతేగానీ తన సొంతానికి టీడీపీని వాడుకున్నానని నిరూపిస్తే ఉరేసుకుంటానని పేర్కొన్నారు. ఇక తోట తీసుకున్న తాజా నిర్ణయంతో టీడీపీ అధినేత చంద్రబాబుకు మరో షాక్ తగిలినట్లైంది.

కాగా గత ఎన్నికల్లో రామచంద్రాపురం అసెంబ్లీ నియోజకవర్గం నుంచి టీడీపీ తరఫున పోటీ చేసిన తోట త్రిమూర్తులు.. వైసీపీ అభ్యర్థి చెల్లుబోయిన శ్రీనివాస్ చేతిలో 5వేల ఓట్ల తేడాతో ఓడిపోయారు. అప్పటి నుంచి పార్టీకి అంటీముట్టనట్టుగా ఉంటూ వస్తోన్న ఆయన.. పార్టీ కార్యక్రమాల్లోనూ పాల్గొనలేదు. అంతేకాదు గతంలో టీడీపీలోని కాపు నేతలతో కలసి కాకినాడలో ఓ రహస్య సమావేశాన్ని కూడా నిర్వహించారు. ఇక తాజాగా టీడీపీ అధినేత చంద్రబాబునాయుడు తూర్పుగోదావరి జిల్లాపై సమీక్షించిన సమావేశానికి కూడా తోట హాజరుకాలేదు. ఈ క్రమంలో త్రిమూర్తులను బుజ్జగించేందుకు టీడీపీ పెద్దలు చేసిన రాయబారం కూడా విఫలమైంది. దీంతో తోట త్రిమూర్తులు వెళ్లినా పార్టీకి నష్టం లేదనే అభిప్రాయాన్ని చంద్రబాబు వ్యక్తం చేసినట్టు వార్తలు వచ్చాయి. ఇక ఈ వ్యాఖ్యల వల్ల తాను మనస్తాపం చెందానని ప్రకటించిన తోట.. అందుకే తాను టీడీపీకి గుడ్‌బై చెప్పాలనుకుంటున్నానని తెలిపారు. ఇదిలా ఉంటే వైసీపీలోకి ఆయన చేరికను ఆ పార్టీకి చెందిన పలువురు వ్యతిరేకిస్తున్నట్లు కూడా వార్తలు వస్తున్నాయి. ఇలాంటి నేపథ్యంలో తమ పార్టీ అసంతృప్తులను జగన్ ఎలా బుజ్జగిస్తారో చూడాలి.

Related Tags