Hyderabad: మెట్రో స్టేషన్లో యువతి డ్యాన్స్.. షాక్‌ ఇచ్చిన మెట్రో అధికారులు.!
నిత్యం లక్షలాది మందిని వేగంగా గమ్యస్థానాలకు చేర్చుతుంది హైదరాబాద్ మెట్రో రైళ్లు. ట్రాఫిక్ చికాకులు, రణగొణ ధ్వనులు లేకుండా ప్రశాంతంగా ఏసీలో ప్రయాణానికి హైదరాబాదీలు అలవాటు పడటంతో..
Updated on: Jul 20, 2022 | 2:18 PM
Woman Dance at Metro: నిత్యం లక్షలాది మందిని వేగంగా గమ్యస్థానాలకు చేర్చుతుంది హైదరాబాద్ మెట్రో రైళ్లు. ట్రాఫిక్ చికాకులు, రణగొణ ధ్వనులు లేకుండా ప్రశాంతంగా ఏసీలో ప్రయాణానికి హైదరాబాదీలు అలవాటు పడటంతో మెట్రో రైళ్లు అన్ని వేళల్లోనూ కిటకిటలాడుతున్నాయి. ఇదిలా ఉంటే.. కొంతమంది యువతీయువకులు ఈ రైల్వేస్టేషన్‌లో అతి చేస్తూ.. ప్రయాణికులను ఇబ్బందులకు గురి చేస్తున్నారు. తాజాగా ఓ మెట్రో స్టేషన్లో యువతి డ్యాన్స్ చేసిన వీడియో సోషల్‌మీడియాలో వైరల్‌గా మారింది. ఈ ఘటనపై HMRఅధికారులు ఆగ్రహం వ్యక్తం చేశారు. సదరు యువతిపై సీరియస్‌ యాక్షన్‌ తీసుకుంటామని హెచ్చరించారు.
మెట్రో స్టేషన్‌లోకి స్నేహితులతో కలిసి వచ్చిన యువతి ప్లాట్‌ఫామ్‌పై ఓ సాంగ్‌కు డ్యాన్స్ చేసి దాన్ని సోషల్‌మీడియాలో పోస్ట్ చేసింది. అసలే అందమైన అమ్మాయి, పైగా మోడ్రన్ దుస్తుల్లో రెచ్చిపోయి డ్యాన్స్ చేయడంతో ఆమె టాలెంట్‌కి నెటిజన్లు ఫిదా అయిపోతున్నారు.
ఈ వీడియో మెట్రో అధికారులకు చేరడంతో వారు ఆగ్రహం వ్యక్తం చేస్తున్నారు. నిబంధనలకు విరుద్ధంగా స్టేషన్లో డ్యాన్సులు చేయడం మంచి పద్ధతి కాదని అంటున్నారు. ఆ యువతి ఎవరు, ఏ స్టేషన్లో డ్యాన్స్ చేసిందో గుర్తించి చర్యలు తీసుకుంటామని మెట్రో అధికారులు చెబుతున్నారు.
