Telangana: అరెరె.. పెద్ద సమస్యే వచ్చిందే.. ఇదేం తుత్తర పనిరా చిన్నోడా.. చివరకు
బాలుడు కొప్పెరలో ఇరుక్కుపోయాడు. పేరెంట్స్ వారి వారి పనిలో నిమగ్నమై ఉండగా.. అక్కేడ ఆడుకుంటున్న రెండేళ్ల బాలుడు ఇత్తడి కొప్పెరలో కూర్చున్నాడు. అంతే బయటకు వచ్చే వీలు లేకుండా పోయింది.
చిన్నపిల్లలు ముద్దుముద్దుగా మాట్లాడుతుంటే, అల్లరి పనులు చేస్తుంటే.. అలా చూడాలనిపిస్తుంది. కానీ కొన్నిసార్లు వారు చేసే పనులు ప్రమాదంలోకి కూడా నెడతాయి. తాజాగా రెండేళ్ల బాలుడు ఆడుకుంటూ ఇత్తడి కొప్పెరలో ఇరుక్కుపోయాడు. ఈ ఘటన వరంగల్ జిల్లా పర్వతగిరి మండలం మూడెత్తుల తండాలో జరిగింది. తల్లిదండ్రులు తమ పనిలో ఉండగా…అక్కడే ఆడుకుంటున్న బాలుడు అపక్కనే ఉన్న కొప్పెరలోకి దిగాడు. దీంతో అందులో ఇరుక్కుపోయాడు. తల భాగం మాత్రమే పైకి ఉండి మొత్తం శరీరం కొప్పెరలోనే ఇరుక్కుపోయింది.
ఎంత ప్రయత్నించిన ఆ బాలున్ని మాత్రం బయటకు తీయలేకపోయారు. స్థానిక వెల్డింగ్ షాపు తీసుకెళ్లారు. అక్కడ గంటసేపు కష్టపడి కటర్లను ఉపయోగించి కొప్పెరను కత్తిరించి బాలుడిని బయటకు తీశారు. దీంతో ఆ బాలుడి తల్లిదండ్రులు ఉపిరి పీల్చుకున్నారు. అనంతరం ఫస్ట్ ఎయిడ్ కోసం హాస్పిటల్‌కి తీసుకెళ్లారు. చిన్నడికి ఎలాంటి ఇబ్బంది లేదని డాక్టర్లు తెలిపారు.
చిన్నోడు ఆడుకుంటూ చేసిన చిలిపి పనితో పేరెంట్స్ ఒక్కసారిగా టెన్షన్ పడ్డారు. పిల్లలు ఆడుకునే సమయంలో ఓ కన్నేసి ఉంచాలని నిపుణులు సూచిస్తున్నారు. వారు తెలిసీ తెలియక చేసే పనులు ఫన్నీగా అనిపించినా.. మరికొన్ని సార్లు ప్రమాదకరంగా మారుతాయని హెచ్చరిస్తున్నారు.
మరిన్ని తెలంగాణ వార్తల కోసం