TSPSC Exam Date: టీఎస్పీయస్సీ హార్టికల్చర్‌ ఆఫీసర్‌ పోస్టులకు హాల్‌టికెట్లు విడుదల.. జూన్‌ 17న రాత పరీక్ష
తెలంగాణ రాష్ట్ర వ్యాప్తంగా హార్టికల్చర్‌ ఆఫీసర్‌ పోస్టుల భర్తీకి జూన్‌ 17న రాత పరీక్ష నిర్వహిస్తున్నట్లు తెలంగాణ పబ్లిక్‌ సర్వీస్‌ కమిషన్‌ (టీఎస్పీయస్సీ) ప్రకటించింది. ఈ పరీక్షకు హాజరయ్యే విద్యార్ధులు అధికారిక వెబ్‌సైట్‌ నుంచి హాల్‌ టికెట్లను జూన్‌ 11వ తేదీ సాయంత్రం 5 గంటల నుంచి డౌన్‌లోడ్‌..
Updated on: Jun 11, 2023 | 8:17 PM
తెలంగాణ రాష్ట్ర వ్యాప్తంగా హార్టికల్చర్‌ ఆఫీసర్‌ పోస్టుల భర్తీకి జూన్‌ 17న రాత పరీక్ష నిర్వహిస్తున్నట్లు తెలంగాణ పబ్లిక్‌ సర్వీస్‌ కమిషన్‌ (టీఎస్పీయస్సీ) ప్రకటించింది. ఈ పరీక్ష జూన్‌ 17వ తేదీన ఉదయం 10 నుంచి మధ్యాహ్నం 12:30 గంటల వరకు, మధ్యాహ్నం 2:30 నుంచి సాయంత్రం 5 గంటల వరకు జరగనున్నట్లు వెల్లడించింది. ఈ పరీక్షకు సంబంధించిన హాల్‌ టికెట్లు ఆదివారం (జూన్‌ 11) విడుదలయ్యాయి.
పరీక్షకు హాజరయ్యే విద్యార్ధులు అధికారిక వెబ్‌సైట్‌ నుంచి హాల్‌ టికెట్లను జూన్‌ 11వ తేదీ సాయంత్రం 5 గంటల నుంచి డౌన్‌లోడ్‌ చేసుకోవచ్చు. పరీక్షకు 45 నిమిషాల ముందు వరకూ హాల్‌టికెట్లు వెబ్‌సైట్‌లో అందుబాటులో ఉంటాయని ఈ సందర్భంగా కమిషన్‌ తెలిపింది.
కాగా మొత్తం 22 హార్టికల్చర్‌ ఆఫీసర్‌ పోస్టులను ఈ నోటిఫికేషన్‌ ద్వారా భర్తీ చేయనున్నారు. ఎంపిక విధానంలో ప్రతిభకనబరచిన వారు నెలకు రూ.51,320ల నుంచి రూ.1,27,310ల వరకు జీతంతో కొలువు సొంతం చేసుకోవచ్చు.
మరిన్ని తాజా విద్యా, ఉద్యోగ సమాచారం కోసం క్లిక్‌ చేయండి.
