CM Kcr: జగిత్యాల జిల్లాలో ముఖ్యమంత్రి కేసీఆర్ పర్యటన.. అభివృద్ధి కార్యక్రమాలకు శ్రీకారం..
తెలంగాణ ముఖ్యమంత్రి కేసీఆర్ ఇవాళ జగిత్యాల జిల్లాలో పర్యటించనున్నారు. ఈ పర్యటనలో భాగంగా పలు అభివృద్ధి కార్యక్రమాలకు శ్రీకారం చుట్టనున్నారు.
తెలంగాణ ముఖ్యమంత్రి కేసీఆర్ ఇవాళ జగిత్యాల జిల్లాలో పర్యటించనున్నారు. ఈ పర్యటనలో భాగంగా పలు అభివృద్ధి కార్యక్రమాలకు శ్రీకారం చుట్టనున్నారు. ముందుగా జిల్లాలో నిర్మించిన నూతన కలెక్టరేట్ భవన సముదాయాన్ని ప్రారంభిస్తారు సీఎం కేసీఆర్. అనంతరం జగిత్యాల మెడికల్ కాలేజీ భవన నిర్మాణానికి శంకుస్థాపన చేయనున్నారు. ఈ సందర్భంగా ఏర్పాటు చేసిన కార్యక్రమంలో సీఎం ప్రసంగిస్తారు. ఆ తరువాత జిల్లా టీఆర్ఎస్ కార్యాలయం భవనాన్ని ప్రారంభించనున్నారు. అటుతరువాత మధ్యాహ్నం 3 గంటలకు జగిత్యాలలో ఏర్పాటు చేసిన బహిరంగ సభలో సీఎం కేసీఆర్ పాల్గొంటారు. ప్రజలనుద్దేశించి సభలో ఆయన ప్రసంగించనున్నారు. ఇదిలాఉంటే.. ముఖ్యమంత్రి కేసీఆర్ జగిత్యాల పర్యటనను అడ్డుకుంటామని కాంగ్రెస్ ప్రకటించింది. ఈ మేరకు పార్టీ శ్రేణులకు పిలుపునిచ్చింది. ఈ నేపథ్యంలో అలర్ట్ అయిన పోలీసులు.. ఇప్పటికే పలువురు కాంగ్రెస్ నేతలను హౌష్ అరెస్ట్ చేశారు.
మరిన్ని తెలంగాణ వార్తల కోసం ఈ లింక్ క్లిక్ చేయండి..